Mika 7:2 - Baibuli Ekibono kya Katonda 2014

² Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Mika 7:2 ပူးပေါင်းရင်းမြစ်များ

Zabbuli 10:9

Yeegisa yaabeeteega ng'oti mpologoma eri mu ndungu. Yeegisa asobole okutuumira ku baavu n'okubagema, era yaabagemya mu lutuula lwe yaabakwekwebya.

Zabbuli 12:1

Wo Musengwa Katonda, tubeere otuwonie, kuba tighakaaligho bantu bakaakutya iwe, waire okubaagho abakaakwesiga.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 57:6

Abazigu bange bantega olutuula, naazirika mu mwoyo gwange. Baasima ebiina mu ngira ye mbitamu, aye baabigwamu beene!

Ensambo 1:11

Kuba basobola okukoba bati: “Idha tweteege omuntu tumwite, tulumbe omuntu aziraku musango tumugwikirize.”

Ensambo 12:6

Ebibono eby'omubi biri ng'oti mutemo eyeeteeze okwita omuntu, aye omwesimbu by'ayogera biwonia abantu.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Isaia 59:7

Mwangugha inho okukola ebibi aghazira kusibamu, era mwayanguyirwa inho okwita abantu abaziraku musango. Buli ghe mubita muzikirizaagho, mwaleka bifulukwa byereere. Ebirowoozo byaimwe mubimalira ku kukola bibi byonka.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 5:16

Abantu b'omu ighanga eryo boonaboona balwani ba maani, era ebiruutu bye bataamu obusaale bwaibwe bitiisa ng'oti magombe masime.

Yeremia 5:26

Mu bantu bange mulimu abakozi b'ebibi, ababwama ni beeteega abantu ng'oti batezi ba nhonhi. Batega emitego baagemya abantu.

Yeremia 8:6

Nafaayo inho okubawulirisa, aye ghaabulagho ayogera ekituufu. Ghazira muntu yeeneniaku lwa bibi bye, n'akoba ati, ‘Kiki kino kye nkoze?’ Buli muntu agema bwa ngira ye, yaasimba busimbe ng'oti n'embalaasi eri kweyuna mu lutalo.

Okulira 4:18

Ng'abazigu batulondoola buli ghe tuta ekigere, baatutiisa n'okutambulira mu nguudo, twawulira mule nga okufa tikuli ghala, ng'enaku dhisigaireyo mbale bubale.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 24:6

Musengwa Katonda kyava n'akoba nti: “Ekibuga ekyo ekirimu abatemo kikagwireku! Kiri ng'oti sefuliya erimu obutalaivu, ng'obutalaivu bwamu tibutoolwangamuuku. Toolamu emamba kinofu kirala kirala nga tiweeroboza.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Mika 2:8

Aye Musengwa Katonda abairamu ati: “Imwe mulumba abantu bange ng'oti abantu abo bazigu baimwe, mwabanhagaku ebivaalo nga tibabakobyeku. Ate nga abantu abo bababitaku nga bali kubeesiga bati ghazira kibi kye munaabakola, era nga tibali kulowooza ku lutalo naire.

Mika 3:10

Muzimba Yerusalemu ekibuga kya Katonda nga mukozesa ebyo bye mufuna mu kutemula, ni mu magira agandi agatali matuufu.

Mika 3:2

Aye kabiri niimwe abatenda kukola bulungi, mwagonza okukola obubi. Bye mukola, muli ng'ababaaga abantu bange ni mubatoolaku oluwutu, era ni mughalagata emamba ku magumba gaibwe.

Zekaria 11:6

Musengwa Katonda kyava n'akoba ati: “Zeena tikairayo kusaasira muntu mu nsi eno. Bona eno, nze mwene ndighaayo abantu boonaboona, naabata mu buyinza bw'abafuzi baibwe. Abafuzi abo balizikiriza ensi eno, era ezira muntu ye ndinunula kumutoola mu buyinza bwaibwe.”

Ebikolwa by'Abatume 24:9

Abayudaaya boona baamusemba nga baakoba bati bino byonabyona byali bituufu.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 26:20

Nsaba omusaayi gwange gulobe kuyuyibwa mu nsi Musengwa Katonda mw'atali, kuba kyabazinga wa Isiraeli adhie okuyiiga nze enkukuni obukukuni, ng'oti n'omuntu bw'ayiiga akakologo mu nsozi.”