Mika 7:17 - Baibuli Ekibono kya Katonda 2014

¹⁷ Balyeghaluliza mu nkungu ng'oti misota, nga bava mu bifo byaibwe eby'okwewogomamu, baira ye iwe Musengwa Katonda waife, nga badhugumira olw'okutya einho.

Mika 7:17 ပူးပေါင်းရင်းမြစ်များ

2 Samueli 22:46

Emyoyo gyabawaamu ira, era baavaayo mu bufo bwaibwe obugumu obw'okwegisaamu nga badhugumira.

2 Ebyomubyanda 17:10

Musengwa Katonda yaata okutya mu bantu b'obwakyabazinga bwonabwona obwali bwetooloire Buyudaaya, baaloba kutanulagho lutalo lwonalwona ku Yehoshafati.

Zabbuli 18:45

Emyoyo nga gyabawaamu ira, era baavaayo mu bufo bwaibwe obugumu obw'okwegisaamu nga badhugumira.

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Zabbuli 72:9

Abantu ababa mu irungu bamukubire amakiryaivu, n'abazigu be bakombe enkungu.

Zabbuli 9:20

Wo Musengwa Katonda, baleetere okutya, bategeere nga bantu buntu.

Isaia 25:3

Abantu b'omu maghanga ag'amaani baidha kukughanga ekitiisa; n'ebibuga by'amaghanga amakambwe biidha kukutyanga.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 65:25

Omusege n'entaama ento biidha kuliiranga ghalala, empologoma eryenga isubi ng'oti nte, n'omusota gulyenga enkungu nga n'emere yaagwo. Ku Sioni olusozi lwange olutukuvu, tikulibaaku kintu kituusa ku kiinaakyo bulumi, waire okukizikiriza. Nze Musengwa Katonda, ninze nkobye.”

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Okulira 3:29

era yeewooye abenga gha bigere bya Musengwa Katonda; kuba ghasobola okuba nga ghakaaligho eisuubi.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”