Mika 7:16 - Baibuli Ekibono kya Katonda 2014

¹⁶ Abantu ab'omu maghanga balibona bino, baatenha waire nga ba maani. Balibulwa eky'okwogera ng'ate bazira na kye bawulira, olw'okutya n'okusoberwa.

Mika 7:16 ပူးပေါင်းရင်းမြစ်များ

Yobu 21:5

Muuningirire, mwewuunhie, era mugeme ni ku minwa!

Yobu 40:4

“Nze bwendi era bwendi, nnaakwiramu ntya? Ka ngeme bwa ku munwa, nsirike busirike.

Zabbuli 126:2

Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Ensambo 30:32

Bw'oba ng'okoze eky'obusiru ni weekuluntaza, oba n'otegeka okukola ekibi, sooka weekube mu kifuba obuuze omwoyo.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 52:15

Atyo bw'alyewuunhisa amaghanga kamaala, bakyabazinga baabulwa eky'okwogera; kuba balibona ekitabakoberwangaku era baategeera kye batawulirangaku.”

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Ezekieli 38:23

Kale ntyo bwe ndyoleka amaghanga nga bwendi omukologho era omutukuvu. Olwo balimanha nga ninze Musengwa Katonda.”

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Zekaria 12:9

Mu biseera ebyo ndizikiriza kiisi ighanga eririgezaaku okulumba Yerusalemu.”

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”