Mika 7:14 - Baibuli Ekibono kya Katonda 2014

¹⁴ Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Mika 7:14 ပူးပေါင်းရင်းမြစ်များ

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 143:5

Ndidhukira ebiseera ebyabita, neefumintiriza ku ebyo byonabyona bye wakola, era neetegereza ebyo byonabyona by'ojiire ng'oleetagho.

Zabbuli 28:9

Wo Musengwa Katonda, lokola abantu bo, era oghe enkabi abo be weerobozaamu, iwe obenga mwayi waibwe, era obalabirirenga ebyanda n'ebyanda.

Zabbuli 95:7

Oyo ni Katonda waife, ife tuli bantu be b'alabirira, era tuli ntaama dhe dh'ayaya. Kale ngoli ni olwaleero muwulira ky'akoba!

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Olwembo 4:1

Ng'oboneka bulungi, iwe omugonzi wange! Bwenebwene oboneka bulungi. Amaiso go gali ng'oti ga njiibwa, nga gali mu kitambaala kyo kye weebwikiriire. Enviiri dho dhiikirira ku mutwe gwo ng'oti n'ekighaso eky'embuzi bwe kiikirira ku lusozi Gileadi.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Yeremia 49:31

‘Mwidhe tuje, tulumbe abantu abo abawulira mule nga bali mu miraala. Ekibuga kyaibwe kiziraku ndhigi, oba okubaaku ebisiba, oba okubaaku abakikuuma.’

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Okulira 5:21

Wo Musengwa Katonda, twize y'oli, twidha kwira! Twirizeegho ekitiisa kyaife nga bwetwalinga eira.

Ezekieli 36:11

Ndireetera abantu n'ensolo okuzaalagana n'okweyongera obungi mu imwe, okusinga ni bwe kyalinga eira. Naaleetera n'ebintu okujanga obukalamu mu imwe, okusinga ni ghale ghe mwasookera okusengebwamu. Olwo mulimanha nga ninze Musengwa Katonda.

Abalevi 27:32

Ku buli nsolo ikumi enfuge, endala enaabanga ya Musengwa Katonda. Ensolo dhaimwe, ka dhibe ente oba entaama oba embuzi, bwe dhinaabanga nga dhiri kubalibwa, ku buli ikumi munaatoolangaku ndala yaaba ya Musengwa Katonda.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Obadia 1:19

Abaisiraeli ab'omu kiketezo ekikalukalu eky'oku luuyi olw'omukono omusaadha olw'e buvandhuba, baja kunhaga Edomu. Ab'omu biketezo eby'omu biiko baja kutwala ekiketezo Filisitia. Abandi baja kutwala ebiketezo Efuraimu ni Samaria. Olwo Ababenjamini batwale ekiketezo Gileadi.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Zefania 3:13

Era abantu abo abaliwonagho mu Isiraeli tibalikola kisobu naire, tibalyogera bya buguya, oba okukozesa olulimi olubuzaabuza. Baidha kubanga bulungi nga bazira kye badhulirira, era nga ghazira kintu kyonakyona kibatiisa.”

Zekaria 10:10

Ndibasoloza naabatoola mu Misiri, naabatoola ni mu Assiria naabaiza ewaibwe. Naabata mu Gileadi ni mu Lebanoni, woonawoona ghaidhula abantu.

Zekaria 11:7

Kale naafuuka mwayi wa ntaama edh'okwitibwa, nga ndhayira abo abaadhisuubulanga. Era naatoola emiigo ebiri, naagigema mu ngalo: ogundi naagutuuma eriina “Nkabi” ate ogundi naagutuuma eriina “Kweyimba”. Agho naasigala nga ndi kulabirira entaama edho.

Malaki 3:4

Olwo ebigheebwayo, abantu b'omu Yerusalemu n'ab'omu Buyudaaya bye balileeteranga Musengwa Katonda, birimusangaazanga nga bwe kyalinga eira.

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:4

ebyo n'ebiketezo Musengwa Katonda bye yaghangula ng'Abaisiraeli babona. Ebiketezo ebyo birungi bya kwayiramu, ate nga ife abagheereza baimwe tuli baayi.”

Matayo 2:6

‘Iwe Bethelehemu mu nsi ya Yuda, toli mutene mu bwami obw'omu Yuda, kuba mu iwe n'omwidha okusimuka omufuzi, anaalabirira abantu bange Abaisiraeli.’ ”

Yoanne 17:16

Bano ti ba nsi nga nze bwe ntali wa nsi.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.