Mika 6:7 - Baibuli Ekibono kya Katonda 2014

⁷ Musengwa Katonda anansiima bwemmuleetera enkumi n'enkumi edh'entaama enume oba omuzigo ogukuuluula ng'oti miiga? Oba mpeeyo omwana wange omuberi olw'ebibi byange?

Mika 6:7 ပူးပေါင်းရင်းမြစ်များ

2 Bakyabazinga 16:3

Aye yaajiiranga ku mpisa embi edha bakyabazinga ba Isiraeli. Yaatuuka n'okwokya mutabane we ng'ekigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Bakyabazinga 23:10

Kyabazinga Yosia era yaayonoona ekifo ekyayetebwanga Tofethi, ekyali mu kiiko eky'Abahinnomu. Olwo ghalobenga kubaagho muntu yeenayeena ayokerayo mutabane we oba mughala we, ng'ekigheebwayo ekyokebwa eri omusambwa Moleki.

2 Bakyabazinga 3:27

Agho yaatoola mutabane we asinga obukulu eyali ow'okumusikira ku bwakyabazinga, yaamugheerayo ku kimante ekyezungulwire ekibuga, ng'ekigheebwayo ekyokebwa. Abaisiraeli baatya inho, baalekera agho okumulwanisa, bairayo mu nsi y'ewaibwe.

Yobu 29:6

Ng'amata ge ndi nago nganaabya bwa bigere, olw'obungi. Nga n'olubaale ludhuluudha omuzigo gwe baakamulirangaku, mu bibala eby'emiti gyange emyoliva.

Zabbuli 50:9

Tineetaaga nte dhaimwe nume okuva mu ngo dhaimwe, waire embuzi dhaimwe enume okuva mu bisibo byaimwe;

Zabbuli 51:16

Emisengo tineegikusangaaza ni bwenandigighaireyo; ni bwenandighaireyo ebigheebwayo ebyokebwa, tineebikusanhusa.

Zabbuli 51:18

Wo Katonda waife, ba wa kisa okolere Sioni bulungi, ebimante bya Yerusalemu bizimbibwe buyaaka.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 40:16

Ensolo edhiba mu bibira eby'e Lebanoni dhoonadhoona aghalala, tidhimala kuvaamu bigheebwayo byokebwa eri Katonda. N'emiti egiba mu bibira ebyo gyonagyona aghalala tigivaamu nku dhimala kukuma muliro gwetaagisa.

Yeremia 19:5

Era baaja baazimbira omusambwa Baali ebifo ebigulumivu ebisinzibwamu, eby'okwokerangaku abaana baibwe n'omuliro ng'ebigheebwayo ebyokebwa. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Yeremia 7:31

Era baaja baazimba ebifo ebigulumivu eby'okusinzizaamu e Tofethi, mu kyetebwa Ekiiko ekya mutabane wa Hinnomu, baayokeranga mu muliro batabane baibwe ni baghala baibwe. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Ezekieli 23:37

Baakola obwenzi era baatemula. Baakola obwenzi nga basinza ebitali nze Katonda, baaghaayo n'abaana baibwe beene be banzaalira, baabookya ng'emisengo eri ebisinzibwa ebyo.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Hosea 6:6

Mbendaku okungonzanga obutalekera, aye ti misengo; n'okuumanhanga nze Katonda waimwe, okusinga okumpa ebigheebwayo ebyokebwa.

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 20:1

Musengwa yaalagira Musa

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Filemoni 1:12

Ndi kumutuma aire y'oli, aye nga mmugonza inho.

Abalamuzi 11:31

omuntu alisooka okufuluma mu miryango gy'endhu yange okwidha okunsangaaza nga ndhize n'obughanguzi, aliba wuwo. Ndimughaayo ng'ekigheebwayo ekyokebwa.”

Abalamuzi 11:39

Emyezi ebiri bwe gyawaaku, omughala yaira ye ise. Ise yaakola nga bwe yeeyama ye Musengwa Katonda, omughala yaafa nga mwegha. Okwo n'okwava empisa mu Isiraeli,

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.