Mika 6:6 - Baibuli Ekibono kya Katonda 2014

⁶ Kiki kye nnaaleetera Musengwa Katonda, oyo Katonda ow'eigulu, nga ndidha okumusinza? Mmuleetere ente ento edh'omwaka omulala edhisinga bulungi ndhigheeyo ng'ebigheebwayo ebyokebwa?

Mika 6:6 ပူးပေါင်းရင်းမြစ်များ

2 Samueli 21:3

Kale Daudi yaakoba Abagibeoni ati: “Mbakolere ki? Mutango ki gwe mbe mbaghe, memale musabire enkabi abantu ba Musengwa Katonda ababe ku bubwe?”

Zabbuli 116:12

Musengwa Katonda ndimugha ki oyo ankoleire ebirungi ebyaga agho?

Zabbuli 22:29

Bwenebwene abo boonaboona ab'oku nsi abeekudumbaza, n'abo boonaboona abantu obuntu abafa, balyeyala mu maiso ge nga kw'otaire na kiisi muntu atasobola kwekuuma mwene nga mulamu.

Zabbuli 95:2

Ka tuje y'ali tumusiime tumukubire emizira nga twemba n'enhembo edh'okumusaaka;

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Isaia 40:16

Ensolo edhiba mu bibira eby'e Lebanoni dhoonadhoona aghalala, tidhimala kuvaamu bigheebwayo byokebwa eri Katonda. N'emiti egiba mu bibira ebyo gyonagyona aghalala tigivaamu nku dhimala kukuma muliro gwetaagisa.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 46:9

“Abantu bwe banaidhanga okunsinza nze Musengwa Katonda ku mbaga edh'ebibinuko ebyalagirwa, ghazira anaafulumiranga mu mulyango gwangiriiremu. Kiisi anangiriranga mu mulyango oguli ku luuyi olw'omukono omugooda olw'e buvandhuba, aidha kufulumiranga mu mulyango oguli ku luuyi olw'omukono omusaadha olw'e buvandhuba. Ate kiisi anangiriranga mu mulyango oguli ku luuyi olw'omukono omusaadha olw'e buvandhuba, aidha kufulumiranga mu mulyango oguli ku luuyi olw'omukono omugooda olw'e buvandhuba.

Danieli 3:26

Agho Nebukadinezzari yaaseeta kumpi n'olwigi olw'ekikoomi ekiri kugeigera omuliro, yaayeta ati: “Shaduraka, Meshaki, ni Abedinego, imwe abagheereza ba Katonda Ali Ghaigulu Yeene, mufulume mwidhe ghano.” Era Shaduraka, ni Meshaki, ni Abedinego, baafuluma mu muliro.

Danieli 4:9

‘Iwe Beluteshazzari omukulu w'abalaguzi boonaboona, ndidhi ng'omwoyo gwa bakatonda abatukuvu gukuliku, era ghazira kyama kikulema kuzuula. Kale ka nkukobere ekirooto kye naloose, onkobere amakulu gaakyo.’

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Okubala 7:51

Era kyalimu ni bino: Ente ento enume ndala, entaama ento enume ndala ey'omwaka omulala n'entaama enume ndala enkulu, ekyo nga n'ekigheebwayo ekyokebwa.

Matayo 19:16

Agho ghaabaagho omuntu mulala yaidha ye Yesu yaakoba ati: “Mwegeresa, kirungi ki kye nteekwa okukola okughanga okufuna obulamu obutawaagho?”

Mariko 12:33

era nti okumugonza n'omwoyo gwonagwona, n'okutegeera kwonakwona, n'amaani goonagoona, era n'okugonza mwino nga iwe bwe weegonza, kisinga ebigheebwayo byonabyona ebyokebwa ni biweekereragho, n'emisengo gyonagyona egigheebwayo ye Katonda.”

Mariko 5:7

era yaayasiikana ati: “Yesu Omwana wa Katonda Ali Ghaigulu Yeene onhendeza ki? Mu ga Katonda otandaazadaaza!”

Luka 10:25

Ghaabaagho Omunamateeka yaasituka yaaleba Yesu ng'akoba ati: “Mwegeresa, nkole ki okufuna obulamu obutawaagho?”

Yoanne 6:26

Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Ebikolwa by'Abatume 16:17

Yaanonereza Paulo n'ife bw'ayasiikana ati: “Abantu bano bagheereza ba Katonda Ali Ghaigulu Yeene, abali kubakobera nga bwe mughanga okulokolebwa.”

Ebikolwa by'Abatume 16:30

Yaabafulumya ku luya yaababuuza ati: “Baisebo nteekwa kukola ki okughanga okulokolebwa?”

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Ab'Efeso 3:14

Kyenva ni nkuba amakiryaivu mu maiso ga Lata,

Abaheburayi 10:11

Buli lunaku bakabona bairamu okughaayo emisengo miraala egyo egitaghanga kutoolagho bibi.

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.