Mika 6:5 - Baibuli Ekibono kya Katonda 2014

⁵ Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Mika 6:5 ပူးပေါင်းရင်းမြစ်များ

Zabbuli 111:4

Musengwa Katonda by'akola byewuunhisa, tabiganha kwerabirwa; wa kivunika era musaasizi.

Zabbuli 143:11

Wo Musengwa Katonda, nkuuma mbe mulamu nga bwe wasuubiza. Olw'obutuufu bwo ntoola mu buzibu.

Zabbuli 36:10

Otakomya kugonzanga abo abakutegeera, waire okulekera okulokolanga abo abagondera ebiragiro byo.

Zabbuli 71:19

Obutuufu bwo butuuka ni mu igulu. Okoze ebintu ebikologho, ezira ali ng'oti niiwe.

Isaia 1:27

Olw'okuba Musengwa Katonda akolera ku mazima era nga mutukuvu, alinunula Yerusalemu n'abantu baamu boonaboona abeenenia.

Okubala 22:41

Bwe bwakya enkyo, Balaki yaatwala Balaamu mu kifo ekigulumivu eky'okusinzizaamu e Bamothi Baali. Balaamu ng'ali eyo, yaabonaku abandi ku Baisiraeli abaamuli okumpi.

Okubala 23:27

Kabiri Balaki yaakoba Balaamu ati: “Mpegaano idha, ka nkutwale mu kifo ekindi, oba katyo Katonda anaikiriza okukuleka waabankolimirira eyo.”

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Okubala 25:2

Abakazi abo bwe baakolanga embaga edh'emisengo gye baaghangayo eri emisambwa gyaibwe, nga beeta Abaisiraeli abo okubeeyimbaku. Abaisiraeli abo baalyanga nabo, era baakubiranga emisambwa egyo amakiryaivu.

Okubala 31:16

Mwidhukire nga baali bakazi abo, mu bizibu ebyali e Peori, nga bajiira ku magezi ga Balaamu, baaleetera Abaisiraeli okughemukira Musengwa Katonda baalekera okuba abeesigwa y'ali. Ekyavaamu n'ekibamba okwidha mu bantu ba Musengwa Katonda abo.

Okubala 31:8

Baita bakyabazinga abataanu ab'Abamidia, bano: Evi, Rekema, Zuri, Huri ni Reba. Era mu lutalo olwo mwe baitira ni Balaamu mutabane wa Beori.

Okubala 33:49

Baasimba weema dhaibwe okumpi n'omwiga Yorudani, okuva e Bethi Yeshimothi okutuukira irala mu Abeli Shittimu, mu biketezo by'e Moabu eby'oku museetwe.

Ab'Efeso 2:11

Mwidhukire nga mwazaalibwa nga muli bamaghanga gandi mu by'omubiri, Abayudaaya baabeeta abatali bakekete, kuba beene beeyeta abakekete, ekintu ekikolebwa abantu n'engalo dhaibwe.

Amateeka Agokubiri 16:3

Ensolo eyo mutagiriirangaku migaati gizimbulukusiibwa. Mwidha kumalanga enaku musanvu nga muli kulya emigaati egitazimbulukusiibwa, nga bwe mwakola nga muva mu bwiru e Misiri, ye mwava embirombiro. Egyo n'emigaati egy'okunakughala. Mwidhanga kugirya, mughange okwidhukiranga mu bulamu bwaimwe bwonabwona olunaku lwe mwaviiraku e Misiri.

Amateeka Agokubiri 23:6

Mutakolereranga kuleetagho miraala na bantu abo enaku dhoonadhoona, waire okubayamba babe obukalamu.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Yoshua 2:1

Agho Yoshua yaatuma abantu babiri nga baviira agho e Shittimu ghe baali basimbye weema dhaibwe, baje babone mu nkweko ensi Kanaani bw'efaanana, n'okusingira irala ekibuga Yeriko, baire bamukobere. Bwe baatuuka mu kibuga, baaja okusula mu ndhu ya malaaya ye baayetanga Rahabu.

Yoshua 3:1

Enkeera Yoshua n'Abaisiraeli boonaboona, baawuuna baava e Shittimu ghe baali basimbye weema dhaibwe, baaja baagumba ku mwiga Yorudani nga bateegerera okusomoka.

Yoshua 4:19

Olunaku Abaisiraeli lwe baasomokeraku Yorudani lwali lwa ikumi olw'omwezi ogusooka, era baaja baasimba weema dhaibwe e Giligali ekiri e buvandhuba wa Yeriko.

2 Petero 2:15

Baaleka engira entuufu, baadaaliima, baagema engira ya Balaamu omulanzi, omwana wa Beori eyagonza einho eby'obufuni ni bimukoza n'ebisobu.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa

Okwolekebwa 2:14

“Aye ndiku ni bye ntakusiimaku: Eyo oliyo n'abantu abajiira ku kwegeresa kwa Balaamu eyayegeresa Balaki okusendasenda Abaisiraeli okugwa mu kibi balye ebigheereibwayo eri ebisinzibwa ebitali Katonda, era bakole eby'obudankaanu.

Abalamuzi 11:25

Olowooza oti niiwe osinga Balaki, mutabane wa Zippori, kyabazinga w'e Moabu? Wamuwuliraku ng'asonsooniaku Abaisiraeli, waire okubalwanisaaku?

Abalamuzi 5:11

Muwulire amamiro ag'abali ku nsulo edh'amaadhi. Boogera ku bughanguzi Musengwa Katonda bwe yagha Isiraeli. Agho abantu ba Musengwa Katonda baatambuza maani, okuja ku miryango gy'ebibuga byaibwe.

1 Samueli 12:7

Kale ni, buti mwemerere bukalamu mbalumirize mu maiso ga Musengwa Katonda olw'ebirungi byonabyona bye yabakolera imwe ni badhaadha baimwe.