Mika 6:4 - Baibuli Ekibono kya Katonda 2014

⁴ Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Mika 6:4 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Okuvaayo 12:51

Ku lunaku lwene olwo Musengwa Katonda yaatoola Abaisiraeli boonaboona mu Misiri.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 3:10

Ka nkutume ye kyabazinga ow'e Misiri otoole abantu bange abo mu Misiri.”

Okuvaayo 4:10

Aye Musa yaakoba Musengwa Katonda ati: “Wo Musengwa Katonda, tibangaku mwogezi mulungi okuva eira n'eira. Waire ni mperaano kasookanga otoolera okwogera ninze, nkaali kufuuka mwogezi mulungi. Ndhogera mpola ng'ebigambo ndowoolereza bulowoolereze.”

Okuvaayo 4:16

Oyo alikwogereragho eri abantu ng'ali ng'oti n'omunwa gwo. Ate iwe oliba ng'oti Katonda y'ali ng'omukobera eby'okukoba.

Okuvaayo 6:27

Era ni beene abo abaayogera ni kyabazinga ow'e Misiri ku ky'okutoola Abaisiraeli mu Misiri.

Yeremia 32:21

Watoola abantu bo Abaisiraeli mu Misiri ng'okozesa amaani go agataloodheka. Waakola ebyewuunhio n'ebyewuninkiriza, era waaleetera ebintu ebitiisa einho okubaagho.

Amosi 2:10

Era ninze eyabatoola mu nsi Misiri, naababisa mu irungu okumala emyaka amakumi ana (40), naabaleeta mutwale ensi ey'Abamori abo ebe yaimwe.

Okubala 12:1

Agho Miriamu ni Aaroni beemuluguunhiza Musa, olwa Musa oyo okufumbirwa omukazi Omukushi.

Okubala 33:1

Bino n'ebifo Abaisiraeli bye baajanga nga basimbamu weema dhaibwe, bwe baava e Misiri nga bali bikunsu bikunsu, nga Musa ni Aaroni babakulembeire.

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 24:18

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro kino.

Amateeka Agokubiri 4:20

Aye imwe yabagemaku, yaabatoola e Misiri ye mwabanga ng'oti n'abali mu muliro ogw'amaani ogusaanuusa ekyuma ekigumu einho. Yaabafuulira irala abantu be nga bwe muli mpegaano.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Amateeka Agokubiri 5:6

‘Ninze Musengwa Katonda, oyo Katonda waimwe eyabatoola mu Misiri, ye mwali nga mukola obwiru.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Amateeka Agokubiri 9:26

Neeghemba Musengwa Katonda nga nkoba nti, ‘Wo Musengwa Katonda waife, otazikiriza bantu bo ababo ku bubwo, be wanunula n'obuyinza bwo, era be watoola mu Misiri n'amaani go agataloodheka.

1 Samueli 12:6

Samueli era yaakoba abantu ati: “Musengwa Katonda n'eyataagho Musa ni Aaroni, era n'eyatoola badhaadha baimwe mu nsi Misiri.