Mika 6:12 - Baibuli Ekibono kya Katonda 2014

¹² Abakombe mu imwe batuntuza abaavu era mwenamwena mwidhwire buguya.

Mika 6:12 ပူးပေါင်းရင်းမြစ်များ

Zabbuli 120:2

Naakoba nti: “Wo Musengwa Katonda, mponia abantu abaguya, aboogera eby'okusubagha.”

Zabbuli 35:20

Tibakolerera miraala, okutoolaku okughaayira ebibono ku abo abeebeera obwagho ni beesirikira.

Zabbuli 78:36

Aye ebibono byaibwe byali bya kumusuutiriza busuutirize na munwa, nga bye boogera buguya bwereere.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Yeremia 9:8

Ebibono bye boogera biri ng'oti kalaso namuzisa, era bya buguya bwereere. Buli muntu alamusa mwine ng'amwendeza emiraala, aye nga mule ali kutegeka kumweteega.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Amosi 6:4

Mukagwireku imwe abalambaala mu buliri obw'amasanka, era mwegolomola mu miito, nga muli kulya emamba ye mutoire mu bisibo byaimwe eno ya ntaama, kabiri ere ya nte.

Zefania 1:9

Ku lunaku olwo, nja kubonereza abo boonaboona abasinza mu nsinza ey'abamaghanga agandi, era ni baidhuza endhu ya musengwa waibwe omunhago gwe bafuna mu kwiba ni mu kutemula.”

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Ebikolwa by'Abatume 24:9

Abayudaaya boona baamusemba nga baakoba bati bino byonabyona byali bituufu.

Ab'e Roma 3:13

Ebibono byaibwe magombe geene. Enimi dhaibwe badhoogeza bya buguya. Ebibono byaibwe bya kabi ng'obusagwa obw'omusota.