Mika 6:10 - Baibuli Ekibono kya Katonda 2014

¹⁰ Mu ndhu edh'abakozi ab'ebibi mwidhwire eby'obukombe bye baafuna mu magira agatali malungi. Bakozesa ebipimo ebikyamu ekikolwa ekyo nkivumirira inho.

Mika 6:10 ပူးပေါင်းရင်းမြစ်များ

Ensambo 10:2

Eby'obukombe ebifunibwa mu kukola ebibi biziramu muganhulo, aye obutuufu buwonia omuntu okufa.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 20:10

Musengwa Katonda yeenhinhata abo abakozesa ebipimo ebitali bituufu.

Ensambo 20:23

Musengwa Katonda yeenhinhata abo abakozesa ebipimo ebitali bituufu, era yaakyagha abakozesa minzaani enkyamu.

Ensambo 21:6

Eby'obukombe ebifunibwa mu kukupankupania bibita bubite ng'oti mpewo, ole bw'abinoonia aba anoonia kufa.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

Mika 6:9

Kya magezi inho okutya Musengwa Katonda. Musengwa Katonda ayeta abanakibuga yaabakoba ati: “Imwe abeesololeza mu kibuga, muwulire.

Zefania 1:9

Ku lunaku olwo, nja kubonereza abo boonaboona abasinza mu nsinza ey'abamaghanga agandi, era ni baidhuza endhu ya musengwa waibwe omunhago gwe bafuna mu kwiba ni mu kutemula.”

Zekaria 5:6

Naamubuuza nti: “Kiki ekyo?” Yairamu ati: “Kiibo, era kitegeeza ekibi eky'ensi yoonayoona.”

Yoshua 7:1

Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.