Mika 5:9 - Baibuli Ekibono kya Katonda 2014

⁹ Mu nsambo n'endala, Abaisiraeli baja kughangula abazigu baibwe boonaboona era babazikirize.

Mika 5:9 ပူးပေါင်းရင်းမြစ်များ

Zabbuli 10:12

Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 106:26

Kyeyava n'abalabula nga yeerayirira, boonaboona okubaitira mu irungu omwo,

Zabbuli 21:8

Aligema abazigu be n'omukono gwe; omukono gwe omusaadha guligema abo abamukyagha boonaboona.

Isaia 1:25

Ndidha kubakolaku, mbasaanuuse ng'oti bwe basaanuusa ekyuma, era mbakenenule mbamaliremu irala ebidomboodo byonabyona ebibalimu.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

1 Ab'e Korintho 15:25

Kuba Kurisito ateekwa okufuga okutuusa lw'alityankirira abazigu be boonaboona.