Mika 5:11 - Baibuli Ekibono kya Katonda 2014

¹¹ Ndizikiriza ebifo byaimwe eby'okwewogomamu n'ebibuga byonabyona.

Mika 5:11 ပူးပေါင်းရင်းမြစ်များ

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Ezekieli 38:11

ng'okoba mule oti, ‘Ndidha kuja numbe abantu ab'omu nsi eyo ey'ebibuga ebiteezungulwirwa bimante bigumu. Ndibagwaku nga bali mu miraala, nga bazira kye beekengeera naire, era nga bazira ntegeka yoonayoona ya kwekuuma.’

Hosea 10:14

Kale ni olutalo luliidhira abantu baimwe, n'ebifo byaimwe eby'okwewogomamu byazikirizibwa. Kiriba ng'oti bwe kyali mu lutalo kyabazinga Shalumani mwe yazikiririza ekibuga Betharubeli, ni bakuba ghansi abakazi ghalala n'abaana baibwe, ni babamanhiangula okutuusa okufa.

Amosi 5:9

N'oyo aleetera ab'amaani okuzikirira okw'ekibwatukira, n'ebifo byaibwe eby'okwewogomamu okusaanagho.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.