Mika 4:10 - Baibuli Ekibono kya Katonda 2014

¹⁰ Abantu ab'omu Yerusalemu, mwegalangule era musinde ng'oti n'omukazi ali kulumwa okuzaala. Kuba mutuuse okutoolebwa mu kibuga kyaimwe muje nga musula eyo mutyo mu nsiko, mutwalibwe e Babiloni. Aye nga muli eyo, Musengwa Katonda aja kubanunula abatoole mu ngalo edh'abazigu baimwe.

Mika 4:10 ပူးပေါင်းရင်းမြစ်များ

2 Bakyabazinga 20:18

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

2 Bakyabazinga 25:4

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 36:20

Yaatoola abo abaawonagho mu lutalo, yaabatwala e Babilonia. Baabanga eyo nga bamugheereza era baamala baagheereza n'abaamwiririra ng'aviiregho, okutuusa obwakyabazinga obw'e Perusia bwe bwaidhagho.

2 Ebyomubyanda 36:23

“Kyabazinga Kuro ow'e Perusia akoba ati: Musengwa Katonda, Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya. Kale ni buli muntu ku imwe abantu be, aje eyo. Nsaba Musengwa Katonda oyo abe n'imwe mwenamwena abantu be.”

Zabbuli 106:10

Kale yaabatoola mu ngalo dh'abazigu baibwe; yaabawonia abo ababakiriga.

Isaia 43:14

Musengwa Katonda Omununuzi waimwe era Omutukuvu wa Isiraeli akoba ati: “Olw'okwenda okubawonia ndisindika eigye okulumba Babiloni. Ndimenha eminhololo egisiba endhigi dh'ekibuga, era okwasiikana kw'abantu baayo okubaire okw'amasanhu, ndikufuulamu kulira maziga.

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Yeremia 13:4

“Toola ekivaalo ky'omu nkende ekyo, oje okikweke mu kiina ekiri mu lwatika olw'olubaale okumpi n'omwiga Eufurate.”

Yeremia 15:21

Ndikutoola mu buyinza bw'ababi, era naakuwonia abakambwe balobe kukukola kabi. Nze Musengwa Katonda, ninze nkobye.”

Yeremia 29:20

Kale ni, imwe mwenamwena be nasindika mu bunhage e Babilonia muwulire nze Musengwa Katonda kye ndi kubakoba.’

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Yeremia 48:41

Abazigu baligema ebibuga n'ebifo byayo eby'okwewogomamu. Ku lunaku olwo, abalwani ba Moabu ab'amaani baliidhula okutya ng'oti n'omukazi ali kulumwa okuzaala.

Yeremia 52:27

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Hosea 13:13

Abaisiraeli abo bali n'omukisa ogw'okuba abalamu. Aye olw'obusiru bwaibwe tibasobola kugukozesa. Bali ng'oti mwana atuuse okuzaalibwa, aye n'aloba okufuluma mu nda ya inhina!

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Mika 5:3

Kale Musengwa Katonda aja kulekulira agho abantu be Abaisiraeli okumala entangama, okutuusa omukazi ali kulumwa okuzaala lw'alizaala omufuzi oyo. Olwo Baisiraeli baine baja kwira okuva mu bunhage, beeyimbe ku baganda baibwe abaasigala.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.