Mika 3:5 - Baibuli Ekibono kya Katonda 2014

⁵ Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Mika 3:5 ပူးပေါင်းရင်းမြစ်များ

Ensambo 28:21

Omuntu okusaliriza kiba kibi, aye abantu bakikola olw'okufuna ke banaalya ni bwekaba katono katya.

Isaia 3:12

Abantu bange batuntuzibwa abaana obwana, era abakazi obukazi baabafufunkiriza. Imwe abantu bange, bwenebwene abakulembeze baimwe babakiidhamya, baabaleetera okudaaliima.

Yeremia 23:27

Balowooza bati ebirooto byaibwe bye bakobera abantu, binaaleetera abantu bange abo okuneerabira, ng'oti ni badhaadha baibwe bwe baaneerabira ni baira mu kusinza omusambwa Baali?

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 6:14

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Yeremia 6:4

Bakyabazinga abo balikoba bati: “Mwetegeke okulwanisa ekibuga ekyo Yerusalemu. Musitukiremu tukirumbe mu kasana ghagati! Aye nga tukagwireku! Olunaku luseeneine, kuba n'ebinsense eby'eigulo biri kuleegha.

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Hosea 4:5

Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Yoeli 3:9

Mulangirire kino eyo mu maghanga, muti, ‘Mutegeke olutalo; mwete abalwani ab'amaani, mukobe abaisirukale beesoloze baidhe.

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Malaki 2:8

“Aye ate kabiri imwe bakabona mwava ku ngira entuufu, mwadaaliima. Mwaleetera abantu kamaala okukola ebibi, olw'ebyo bye mwegeresa, era mwamenha endagaano ye nakola n'imwe, baidhukulu ba Levi.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.