Mika 3:12 - Baibuli Ekibono kya Katonda 2014

¹² Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Mika 3:12 ပူးပေါင်းရင်းမြစ်များ

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.

Yeremia 17:3

ni ku buli lusozi olugulumivu oluli mu irungu. Eby'obukombe byaimwe n'ebintu byaimwe eby'omughendo, nja kubighaayo abazigu babinhage olw'okusasulamu ebibi ebingi bye mukoze mu nsi eno.

Yeremia 22:5

Aye bwe mutaagonderenga bye ndagira, nze neerayirira mwene nti ekisaagaati kino eky'obwakyabazinga kija kufuuka bifulukwa byereere. Nze Musengwa Katonda, ninze nkobye.”

Yeremia 22:6

Musengwa Katonda ati bw'akoba ku kisaagaati kya kyabazinga wa Buyudaaya: “Ekisaagaati kya kyabazinga wa Buyudaaya kiboneka bulungi ng'oti n'ensi Gileadi, era ng'oti n'ensozi edh'e Lebanoni. Aye nja kukifuula ekifo ekisigaire obwagho kityo, era ekibuga ekiziramu muntu akibaamu naire.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 35:17

Kale ni, nze Musengwa Katonda Afuga Amagye, Katonda wa Isiraeli, nja kutuusa abantu b'omu Buyudaaya n'ab'omu Yerusalemu ku kuzikirira, nga bwe nabeesoomera eira. Kino nja kukikola lwa kuba nayogera n'imwe aye mwaloba kumpulirisa, era naabeeta aye mwaloba kunvugira.”

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Mika 1:6

Kyova Musengwa Katonda akoba ati: “Nja kufuula Samaria kibe mmungo ya bifunfugu ebiri eyo mu nsiko, kibe ekifo ekigwaine obw'okusimbamu amasamba g'emizabbibu. Amabaale ge baazimbisa endhu dhaamu nja kugayugha ere mu kiiko, emisingi gyadho gisigale agho nga gidangalaire?

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”