Mika 2:6 - Baibuli Ekibono kya Katonda 2014

⁶ Abantu bankoba bati: “Totukobera ebyo. Omuntu tagwaine kukoba ku bintu oti n'ebyo. Musengwa Katonda taja kutubonereza na kutuswaza bwaga agho.

Mika 2:6 ပူးပေါင်းရင်းမြစ်များ

Zabbuli 74:9

Titukaabona bumanhiso bwaife obutukuvu, abalanzi baawaagho ira era ghazira aidhi bino ghe birikoma.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Ezekieli 20:46

“Iwe omuntu, amaiso go galingirize ku luuyi olw'omukono omusaadha olw'e buvandhuba. Olange ng'ovumirira ekiketezo ekyo ekikalukalu, era ng'ovumirira n'ekibira ekiri mu kiketezo ekyo.

Ezekieli 21:2

“Iwe omuntu, amaiso go galingirize ku Yerusalemu. Olange ng'ovumirira ebifo abantu bye basinzizaamu, era ng'olabula ensi Isiraeli.

Ezekieli 3:26

Era nja kuleetera olulimi lwo okukwesibira ku kibuno, obe ng'oti kasiru olwo olobe kusobola kulabula bantu abo abadheemu.

Amosi 2:12

Aye mwaleetera Abanaziri okunhwa omwenge era mwalobera abalanzi akukobera abantu obukwenda bwange.

Amosi 7:13

Aye ghano e Betheli otairayo kukoleragho bulanzi bwo, kuba ghano n'aghali ekifo kyabazinga mw'asinziza, era n'aghali eisinzizo ery'obwakyabazinga bwonabwona.”

Amosi 7:16

Buti ni wulira Musengwa Katonda by'akoba, iwe ali kunkoba ndekere okulanga ebivumirira Isiraeli, n'okukoba ebitali bikalamu ku baidhukulu ba Isaaka.

Mika 3:6

Musengwa Katonda akoba abalanzi abo ati: “Abalanzi imwe, obwaimwe buli kuziba, endhuba eri kugwa! Olw'okuba mudaaliimya abantu bange, timukaayolekerwa, era timukaasobola kulanga kintu ni kituukirira.”

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Ebikolwa by'Abatume 4:17

Aye tomanha bwe bakisansaania mu bantu bandi. Ka tubatiise nga bukaali balobe kwiramu kwogera na muntu yeenayeena mu liina eryo.”

Ebikolwa by'Abatume 5:28

“Twabasikirira obuteegeresa bibono bya musaadha oyo, aye mperaano mubone kye mukoze! Mwegereisa mu Yerusalemu mwonamwona era mwenda na kututaaku musango gwa kwita musaadha oyo.”

Ebikolwa by'Abatume 5:40

Baayeta Abatume, baabakuba, baabasikirira obutairayo kwogera ku Yesu, baabalekula.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.