Mika 1:8 - Baibuli Ekibono kya Katonda 2014

⁸ Agho Mika yaakoba ati: “Ebyo n'ebindiza amaziga naagegenga. Era ndidha kutambulanga madu nga tivaire na ngaito, okwoleka nga bwendi mu bughafu. Ndidha kukubanga oluwungu ng'oti kibe, era ndidha kujanga nga ndira ng'oti maaya.

Mika 1:8 ပူးပေါင်းရင်းမြစ်များ

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

Yobu 30:29

Nafuuka muganda wa bibe, nsama busame oti byene; era naafuuka mukagwa wa maaya, nkyolya bukyolye.

Zabbuli 102:6

Ndi ng'oti nhonhi ya mu irungu, era nfuuse ng'oti kiwigulu eky'omu mayumba agaavaamu abantu.

Isaia 13:21

Ensolo edh'omu nsiko n'edhinaabanga eyo, n'endhu dhaabyo dhinaidhulanga ebintu ebirira. Era maaya dhinaabanga eyo, n'emisambwa gyakiniranga eyo.

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Isaia 16:9

Mpegaano ndi kulira olw'emizabbibu egy'e Yazeri era naalira n'emizabbibu egy'e Sibima; era ndi kumagaza amaziga olwa Heshiboni ni Eleale, kuba amakungula g'ebibala byaimwe gamiriibwa olutalo.

Isaia 21:3

Obulumi bwe ndi nabwo bwenda kundhita bwite; ndi ng'oti n'omukazi ali kulumwa okuzaala. Obulumi tibunganha kubona waire okuwulira.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Isaia 32:11

Imwe abakazi abali obukalamu mutengere olw'okutya, imwe abali mu idembe mudhugumire. Mutoolemu ebivaalo byaimwe mube madu, mwesibe ekutiya mu nkende olw'enaku.

Yeremia 4:19

Obulumi bwe ndi nabwo bwenda bwa kundhita! Omwoyo guunumirira era gwampakukapakuka! Kino tisobola kukisirikira, kuba mpulira amagwala agali kuvuga, n'enduulu edh'olutalo.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Yeremia 9:19

Wulira amaliro agali kuva mu Sioni nga gakoba gati: “Tuzikiriire! Era tuswaire inho; kuba bakonseegho endhu dhaife, twava mu nsi yaife.”

Ezekieli 32:18

“Iwe omuntu, wowoola amaziga olw'abantu kamaala ab'e Misiri, era obasindike mu nsi ey'abafu babe ghalala n'ab'ensi edhindi edh'amaani abaamala eira okwika eyo mu lwina.

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”

1 Samueli 19:24

Yeena yaatoolamu ebivaalo bye, yaalanga ng'ali mu maiso ga Samueli. Yaalambaala agho ng'ali madu obwire obwo bwonabwona. Okwo n'okwava endhogera ekoba eti: “Obwo Saulo yeena yafuuka mulanzi?”