Mika 1:6 - Baibuli Ekibono kya Katonda 2014

⁶ Kyova Musengwa Katonda akoba ati: “Nja kufuula Samaria kibe mmungo ya bifunfugu ebiri eyo mu nsiko, kibe ekifo ekigwaine obw'okusimbamu amasamba g'emizabbibu. Amabaale ge baazimbisa endhu dhaamu nja kugayugha ere mu kiiko, emisingi gyadho gisigale agho nga gidangalaire?

Mika 1:6 ပူးပေါင်းရင်းမြစ်များ

2 Samueli 17:13

Bw'anaalumukira mu kibuga, Abaisiraeli boonaboona baidha kuta emigugha ku kibuga ekyo tukikwekwebye okukituusa mu kiiko tukimaliregho irala ghalobe kusigalagho kabaale waire akalala kati.”

2 Bakyabazinga 18:10

Emyaka esatu bwe gyawaaku okuva lwe baakizingiza okukyezunguluza, baakighangula ogwo gwali nga n'omwaka ogwomukaaga nga kyabazinga Hezekia n'afuga Buyudaaya, ate gwaba omwaka ogwomwenda nga kyabazinga Hoshea n'afuga Isiraeli.

2 Bakyabazinga 18:9

Mu mwaka ogwokuna nga kyabazinga Hezekia n'afuga Buyudaaya, ogwo nga n'omwaka ogwomusanvu nga kyabazinga Hoshea mutabane wa Ela n'afuga Isiraeli, Shalumaneseri kyabazinga w'e Assiria yaalumba Isiraeli era yaazingiza ekibuga Samaria okukyezunguluza.

2 Bakyabazinga 19:25

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante, ni bifuuka bwa mmungo ya bimunku.

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 25:12

Alizikiriza ebifo byaibwe eby'okwewogomamu n'ebimante byaibwe ebigulumivu, yaabigwisa ghansi ku itaka okutuukira irala mu nkungu.

Isaia 25:2

Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Yeremia 31:5

Muliiramu kabiri okusimba amasamba ag'emizabbibu ku nsozi dh'e Samaria, era abo abaligasimba balirya ku bibala ebigavaamu.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Ezekieli 13:14

Ndimenhagho ekimante ekyo kye baasiigaku langi endheru, naakisuulira irala ku itaka, n'omusingi gwakyo gwaira ku ngulu. Kiribagwaku baazikirira ghalala nakyo, olwo baamanha nga ninze Musengwa Katonda.

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Habakkuku 3:13

Waja okulokola abantu bo, okulokola oyo eyasiigibwa omuzigo okuba kyabazinga. Wakuba omukulembeze w'abakozi b'ebibi waamutentena, era waamaliragho irala be yakulemberanga.

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”