Mika 1:12 - Baibuli Ekibono kya Katonda 2014

¹² Abantu ab'e Marothi beeraliikirivu nga tibaidhi oba banaafuna anaabayamba, kuba babona nga Musengwa Katonda aseesiisa ebizibu kumpi inho ni Yerusalemu.

Mika 1:12 ပူးပေါင်းရင်းမြစ်များ

Yobu 30:26

Aye bwe nasuubira ebirungi, ate bibi n'ebyaidha. Bwe nateegerera obutangaavu, ate nzikiiza n'eyaidha.

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Mika 1:9

Kuba Samaria alwaire amabwa ga kokolo agatali ga kuwona, era gatuuse n'okugema Buyudaaya okuzikirira kuseese kwatuukira irala ku mulyango gwa Yerusalemu, ekibuga abantu bange mwe baba.”

Ruthi 1:20

Aye yaabakoba ati: “Mutandheta Naomi, mundhete Mara ekitegeeza okukaayirira, kuba Katonda oyo Aghanga Ebintu Byonabyona yandeetera obulamu okunkaayira.

1 Samueli 4:13

Bwe yatuuka, yaayagaana Eli ng'atyaime ku kityamo kye agho ku mbali ku luguudo ng'alingiriire oluguudo kuba omwoyo gwali guli kumutengera olw'Esanduuku y'Endagaano ya Katonda. Omusaadha oyo bwe yatuuka mu kibuga n'akobera abantu amawulire ago, abantu boonaboona baakuba enduulu baalira.