Mika 1:11 - Baibuli Ekibono kya Katonda 2014

¹¹ Imwe abantu ab'e Shafira mwidha kutwalibwa mu bunhage nga muli madu era nga muswaire. Imwe ababa mu kibuga Zaanaani mutageza ni muva mu kibuga kyaimwe. Bwe munaawulira okulira okuva e Bethezeli munaamanha ng'eyo bw'ezira gha kwewogoma.

Mika 1:11 ပူးပေါင်းရင်းမြစ်များ

Isaia 16:2

Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Isaia 20:4

Kale ni kyabazinga w'e Assiria yeena atyo bw'alitwala abanhage ab'e Misiri n'ab'e Ethiopia, abakulu n'abato, nga bali madu era nga bazira na ngaito mu bigere. Balija batyo nga n'obunhuma bwaibwe ti bughembe bwaku, ekyo kireetere Misiri okuswala.

Yeremia 13:22

Bwe weebuuza mule lwaki ebyo byonabyona bikutuuseeku, ni bakukanulaku ebivaalo byo, ni bakugema eby'entaka era ni bakukaka okuba niiwe? Okwiramu kuli nti, lwa kuba ebibi byo binene inho.

Yeremia 48:6

“Baakoba bati, ‘Mulumuke muwonie obulamu bwaimwe. Muziinhuuke ng'oti n'endogoyi ey'omu irungu!’

Yeremia 48:9

Musimire ensi Moabu amagombe, kuba ebulaku katono inho bagizikirize, ebibuga byayo bifuuke bifulukwa byereere, ghabulegho omuntu abibaamu.

Ezekieli 16:37

Olw'ebyo bye wakola, ndisoloza abagonzi bo boonaboona be wasanhukanga nabo, abo be wayendanga n'abo be wakyaghanga. Ndibasoloza baava ku ndhuyi dhoonadhoona, baidha baakwefuulira baakulumba. Olwo naakutoolamu engoye dho, boonaboona baakubona ng'oli madu.

Ezekieli 23:29

Nga bwe bakukyaye, balikutoolaku byonabyona bye wakolerera, baakuleka ng'oli madu ng'oti malaaya, era ng'ozira kantu naire. Obwenzi bwo n'obwamalaaya bwo,

Mika 1:8

Agho Mika yaakoba ati: “Ebyo n'ebindiza amaziga naagegenga. Era ndidha kutambulanga madu nga tivaire na ngaito, okwoleka nga bwendi mu bughafu. Ndidha kukubanga oluwungu ng'oti kibe, era ndidha kujanga nga ndira ng'oti maaya.

Nahumu 3:5

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve. Nja kukughembula, amaghanga gakwerolere ng'oli madu, gabone bw'oswala.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Yoshua 15:37

Baagheebwayo n'ebibuga ebindi bino: Zenani, Hadasha, Migidaligadi,