Matayo 9:4 - Baibuli Ekibono kya Katonda 2014

⁴ Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Matayo 9:4 ပူးပေါင်းရင်းမြစ်များ

Zabbuli 139:2

Oidhi bye nkola byonabyona; otegeera bye ndowooza waire ng'oli ghala.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Matayo 12:25

Yesu bwe yamanha bye balowooza yaabakoba ati: “Obwakyabazinga bwonabwona omuzira kwisania buzikirira era n'ekibuga oba amaka omuzira kwisania, tibisobola kubaagho.

Mariko 12:15

Aye Yesu olw'okumanha obukuusa bwaibwe, yaabakoba ati: “Lwaki mundeba? Mundeetere ghano e dinari mbone!”

Mariko 2:8

Mangu ago nga Yesu mule munda amaze okutegeera bye balowooza, yaabakoba ati: “Lwaki mulowooza mutyo mu myoyo gyaimwe?

Luka 11:17

Aye Yesu bwe yamanha ebidhuubo byaibwe, yaabakoba ati: “Buli bwakyabazinga obwekutulakutulamu buzikirira, era ni bw'eba endhu esasika.

Luka 5:22

Aye Yesu yaamanha ebidhuubo byaibwe, yaakoba ati: “Lwaki mudhuuba mutyo mu myoyo gyaimwe.

Luka 6:8

Aye Yesu yaategeera ebidhuubo byaibwe, yaakoba omusaadha ow'omukono ogwaniala ati: “Situka oyemerere ghagati.” Yaasituka yaayemerera.

Luka 7:40

Agho Yesu yaamukoba ati: “Simoni, ndi ni kye nkukoba.” Simoni yaakoba ati: “Mwegeresa, yogera.”

Yoanne 16:19

Yesu yaategeera nga bali kwenda kumubuuza, yaabakoba ati: “Muli kwenda kumanha kino kye mbakobye nti, ‘Mu ntangama ntono muliba nga timukambona, ate kabiri nti, mu ntangama ntono mulimbona?’

Yoanne 16:30

Mperaano twidhi nga oidhi byonabyona era tikyetaagisa muntu yeenayeena kukubuuza. Kyetuva twikiriza nga ova wa Katonda.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Yoanne 6:61

Yesu yaakitegeera mule ng'Abeegeresebwa bwe bali kuduuduuma olwa kino. Agho yaabakoba ati: “Kino kibamazeemu amaani?

Yoanne 6:64

Aye abandi ku imwe timwikiriza.” Kuba okuviira irala mu kwinhama Yesu yali aidhi abaali tibaikiriza, n'eyali aja okumulyamu olukwe.

Ebikolwa by'Abatume 5:9

Petero yaamukoba ati: “Ekikoba mwaisania okuleba Mwoyo wa Musengwa? Oli kuwulira, abaziise balo bali ku mulyango, weena baidha kukutwala.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.