Matayo 9:38 - Baibuli Ekibono kya Katonda 2014

³⁸ Kale ni musabe mwene bikungulwa asindike abakozi mu bikungulwa bye.”

Matayo 9:38 ပူးပေါင်းရင်းမြစ်များ

Zabbuli 68:11

Musengwa Katonda yagha ekiragiro, abantu kamaala baatambuza amawulire bati:

Zabbuli 68:18

Yaaniina eyo ghaigulu ng'atwala abanhage kamaala; abantu nga mw'otwaliire n'abadheemu, baamutonera ebirabo. Musengwa Katonda eyo y'aja okubanga.

Yeremia 3:15

Musengwa Katonda era akoba ati: “ ‘Ndidha kubaghanga abakulembeze abakola bye nhenda, babalabirirenga nga baidhwire okumanha n'okutegeera, ng'oti n'omwayi bw'alabirira ebyayo bye.

Mika 5:7

Olwo Abaisiraeli abaliwonagho eyo ye baliba mu maghanga mu bunhage, baliba ng'oti n'omusulo oguva ye Musengwa Katonda, era baaba ng'oti n'amaadhi agagwa agakuza ebisimbe. Baja kwesiga maani ga Katonda gonka, se ti ga bantu.

Matayo 9:37

Agho ni yaakoba Abeegeresebwa be ati: “Eby'okukungula biri kamaala, aye abakungula n'abatono.

Yoanne 20:21

Kabiri Yesu yaabakoba ati: “Emiraala gibe n'imwe. Nga Lata bwe yantuma zeena mbatuma.”

Yoanne 4:35

Koodhi timuli na nsambo yaimwe mbu, ‘Ebula myezi ena nga tukungula.’ Aye ka mbakobere: Mulingirire ebiri mu musiri mubone bwe bituuse okukungula.

Ebikolwa by'Abatume 13:2

Bwe baali nga bagheereza Musengwa era nga basiiba, Mwoyo Mutukuvu yaabakoba ati: “Mundhawulire Barunaba ni Saulo bankolere omulimo gwe mbeeteire.”

Ebikolwa by'Abatume 8:4

Agho ni abo abaasansaana baaja nga bakobera abantu ekibono kya Katonda.

1 Ab'e Korintho 12:28

era mu Kikunsu ky'Abaikiriza mu Kurisito, Katonda yategeka emirimo ng'asookera ku batume, yaizaaku abalanzi, abokusatu n'abeegeresa olwo yaizaaku abakola ebyewuunhio, yaizaaku abawonia, ababeezi, abafuzi, n'aboogera mu nnimi.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

2 Ab'e Thessalonika 3:1

Ekisembayo baganda bange, mutusabirenga ekibono kya Musengwa kyeyongere okusansaana amangu, ate abakiwulira bakiteemu ekitiisa ng'oti bwe kyali mu imwe.