Matayo 9:35 - Baibuli Ekibono kya Katonda 2014

³⁵ Agho Yesu yaaja ng'abita mu bibuga byonabyona ni mu byalo, nga bw'ayegeresa mu sinagoga dhaibwe era nga bw'abakobera Amawulire Amalungi ag'Obwakyabazinga yaawonia kiisi bulwaire na bugodhe.

Matayo 9:35 ပူးပေါင်းရင်းမြစ်များ

Matayo 10:1

Agho Yesu yaayeta Abeegeresebwa be Eikumi n'Ababiri, yaabagha obuyinza ku mizimu emibi bagibingenga era bawonienga kiisi bulwaire na bugodhe.

Matayo 11:1

Agho Yesu bwe yamaliriza bye yagalagira Abeegeresebwa be Eikumi n'Ababiri, yaava agho yaaja okulangirira n'okwegeresa abantu mu bibuga byaibwe.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Mariko 6:56

Era kiisi ghe yajanga, mu byalo, oba mu bibuga, oba mu buduuka, abalwaire nga babata mu biya era baamweghemba abaganhe kasinga bagemeku bugeme ku lusa olw'ekivaalo kye era boonaboona abaakigemaku, baawona.

Mariko 6:6

Era yeewuunhia inho obutaikiriza bwaibwe. Yaabitabita mu byalo ebiriinaine agho ng'ayegeresa.

Luka 13:22

Yesu yaaja ng'abita mu bibuga ni mu byalo ng'ayegeresa, ng'alaga e Yerusalemu.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 2:22

“Imwe abasaadha Abaisiraeli, muwulire ebibono bino: Yesu ow'e Nazarethi, n'omusaadha Katonda ye yakakalisa mu imwe n'eby'amaani, n'ebyewuninkiriza, n'obumanhiso, bye yamukozesanga mu imwe, era nga beene imwe bwe mwidhi.