Matayo 9:30 - Baibuli Ekibono kya Katonda 2014

³⁰ Agho amaiso gaibwe gaazibuka. Yesu yaabasikirira ati: “Mubone nga tighaba akimanha.”

Matayo 9:30 ပူးပေါင်းရင်းမြစ်များ

Zabbuli 146:8

era yaazibula amaiso g'abatulu. Abo abawoiremu eisuubi abaizaamu amaani era agonza abakola by'asiima.

Isaia 35:5

Olwo amaiso g'abatulu galizibuka, n'amatu g'abasigha gairamu okuwulira.

Isaia 42:7

Olizibula abatulu amaiso, waatoola abasibe mu makomera, waabawonia okubanga mu nzikiiza.

Isaia 52:13

Musengwa Katonda akoba ati: “Bona, omugheereza wange ebintu birimujiiranga bukalamu. Aligheebwanga ekitiisa ekitaloodheka era yaagulumizibwa inho.

Matayo 12:16

Yaabasikirira n'obutamulaalaisa.

Matayo 17:9

Bwe baali baikirira ku lusozi Yesu yaabasikirira, yaakoba ati: “Ghatabaagho ye mukobera ku kye muboine okutuusa ng'Omwana w'Omuntu amaze okuzuukira mu bafu.”

Matayo 8:4

Yesu yaamukoba ati: “Bona nti tokoberaku muntu, aye ja weeyandhule ewa kabona era ogheeyo ekirabo Musa kye yalagira, kwe banaakakalisa.”

Mariko 1:43

Yesu yaamusikirira inho, yaamusiibula,

Mariko 3:12

Aye yaagisikirira inho girobe kumulaalaisa.

Mariko 5:43

Yesu yaabasikirira obutakobera muntu yeenayeena, era yaabakoba okufunira omughala eky'okulya.

Luka 5:14

Yaamusikirira obutakoberaku muntu yeenayeena, aye aje yeeyandhule ye kabona, agheeyo ekirabo olw'okuwona kwe, nga Musa bwe yalagira, ng'okwo kwe bali n'okukakalisa.

Luka 8:56

Abazaire be beewuunhia aye yaabasikirira obutakoberaku muntu yeenayeena ebibairegho.