Matayo 9:2 - Baibuli Ekibono kya Katonda 2014

² Tibwalwa, nga bamuleetera omuntu eyagogoma, ng'alambaire ku ndiri. Yesu bwe yabona okwikiriza kwaibwe, yaakoba omugogomu ati: “Guma omwoyo mwana wange, ebibi byo bikusoniyiibwa.”

Matayo 9:2 ပူးပေါင်းရင်းမြစ်များ

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Matayo 14:27

Aye Yesu tiyalwa, yaayogera nabo, yaabakoba ati: “Mugume emyoyo mutatya, ninze.”

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 6:12

Tusonighe ebibi byaife, nga bwe tusonigha abatukola ebibi.

Matayo 8:10

Yesu bwe yawulira ebyo, yeewuunhia, era yaakoba abaali bamunonereza, ati: “Bwenebwene ka mbakobere tyagaananga muntu ali na kwikiriza nga kuno mu Isiraeli!

Matayo 8:16

Obwire bwe bwali nga buziba, baamuleetera abantu kamaala abaaliku emizimu emibi era yaabinga emizimu egyo ng'ayogera bwogere, era yaawonia abalwaire boonaboona.

Matayo 9:22

Yesu bwe yakyuka yaamubona, yaakoba ati: “Mughala iwe guma omwoyo okwikiriza kwo kukuwoniiza.” Era ku saawa eyo yeene omukazi yaawona.

Matayo 9:5

Kiki ekisinga obwangu? Okukoba oti, ‘Ebibi bikusoniyiibwa,’ oba okukoba oti, ‘Situka otambule’?

Matayo 9:6

Aye ka mbalage ng'Omwana ow'Omuntu ali n'obukumu ku nsi obusonigha ebibi.” Agho yaakoba omugogomu ati: “Situka, ogeme endiri yo, oje ewaimwe.”

Mariko 1:32

Endhuba bwe yagwa nga ni kanzimyenzimye agemye, baaleetanga gh'ali abalwaire aba buli nsambo nga n'abagemeibwa emizimu bali omwo.

Mariko 10:49

Yesu yaayemerera, yaakoba ati: “Mumwete.” Agho baayeta omutulu nga bamukoba bati: “Guma omwoyo, situka, ali kukweta.”

Mariko 5:34

Agho Yesu yaamukoba ati: “Mwana wange, okwikiriza kwo kukughaire obwibuka, ja bwera era sagaalukira irala.”

Mariko 6:50

Kuba boonaboona baamubona, baatya inho. Aye mangu ago yaayogera nabo, yaabakoba ati: “Mugume emyoyo, ninze mutatya.”

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Yoanne 2:25

Kyali tikyetaagisa kubaagho amukobera ebifa ku muntu, kuba yali ng'aidhi ebiri mu myoyo egy'abantu.

Yoanne 21:5

Yesu yaabakoba ati: “Abaana muligho n'eky'okulya?” Bairamu bati: “Busa.”

Ebikolwa by'Abatume 14:9

Yaawulirisa Paulo bye yayogera. Paulo bwe yamwekalirisa, yaabona ng'aikiriza era nga asobola okuwonezebwa,

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

Ebikolwa by'Abatume 23:11

Mu bwire obwairirira, Musengwa yaayemerera aghaali Paulo yaamukoba ati: “Guma omwoyo, kuba nga bwe waammanhisa mu Yerusalemu, era otyo bw'oteekwa okuumanhisa ni mu Roma.”

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Yakobo 2:18

Aye ole aidha kukoba ati: “Iwe oli na kwikiriza aye nze ndi na bikolwa.” Oyo nze mmukoba nti: “Ndaga okwikiriza kwo okuziraku bikolwa, nze ndidha kukulaga okwange nga nkozesa ebikolwa.”