Matayo 9:18 - Baibuli Ekibono kya Katonda 2014

¹⁸ Yesu bwe yali ng'akaayogera nabo ebyo, omukungu mulala yaatuuka, yaakuba amakiryaivu, yaakoba ati: “Mughala wange yaakakutuka aye idha omugemeku n'omukono gwo, aidha kulama.”

Matayo 9:18 ပူးပေါင်းရင်းမြစ်များ

2 Bakyabazinga 5:11

Aye Naamani yaasungughala inho, yaaja ng'akoba ati: “Bona, mbaire ndhuuba nti anaavaayo yaidha yaayemerera ghe ndi, yeeghemba Musengwa Katonda we era yaagheegheeta n'engalo dhe aghali obulwaire, yamponia endwaire ey'ebigenge.

Matayo 14:33

Era abaali mu lyato baamusinza nga bakoba bati: “Bwenebwene, oli Mwana wa Katonda!”

Matayo 15:25

Aye omukazi yaidha bwidhe yaakuba amakiryaivu yaakoba ati: “Musengwa nhamba.”

Matayo 17:14

Bwe baatuuka mu lukunkumuli olw'abantu, ghaabaagho omuntu yaaseeta ye Yesu, yaakuba amakiryaivu gha bigere bye.

Matayo 20:20

Agho inhina w'abaana ba Zebedaayo yaaseeta Yesu gh'ali, n'abaana be, yaakuba amakiryaivu yaabaaku ni ky'amusaba.

Matayo 28:17

Bwe baamubona, baamusinza aye abandi tibaakakasa.

Matayo 8:2

Agho omuntu ow'endwaire ey'ebigenge yaidha ye Yesu yaakuba amakiryaivu yaakoba ati: “Musengwa, bw'oyenda oghanga okumponia.”

Matayo 8:25

Kale Abeegeresebwa baaseeta gh'ali baamuzuusa nga bakoba bati: “Musengwa, tuwonie tuli kusaanagho.”

Matayo 9:17

Era tibata mwenge gwa mizabbibu musu mu nsawo dha luwu nkaire. Bwe bakikola, ensawo dhitulika, omwenge gwafukika era n'ensawo dhaadhagalika. Aye omwenge gw'emizabbibu omusu baguta mu nsawo dha luwu mpyaka, olwo byombi byakuumibwa bukalamu.”

Matayo 9:19

Yesu yaasituka yaamunonereza ghalala n'Abeegeresebwa be.

Matayo 9:24

yaakoba ati: “Muveeyo, omughala tafiire, aye atendwike!” Baamusekerera.

Luka 13:14

Olw'okuba Yesu yamuwonia ku Sabbato, omukulu wa sinagoga, yaasungughala era yakoba ekikunsu eky'abantu ati: “Ghaligho enaku mukaaga emirimo kwe giteekwa okukolerwa, mwidhenga ku nnaku edho muwonezebwe, aye ti ku lwa Sabbato.”

Luka 18:18

Ghaabaagho omwami mulala yaamubuuza ati: “Mwegeresa omulungi, nkole ki okufuna obulamu obutawaagho?”

Luka 7:2

Yaabaayo omukulu ow'ekikunsu eky'abaisirukale eyali n'omwiru we ye yali agonza einho nga mulwaire era ng'ali kumpi na kufa.

Yoanne 11:25

Yesu yaamukoba ati: “Ninze okuzuukira era ninze obulamu. Kiisi aikiriza nze ni bw'afa, aba mulamu

Yoanne 11:32

Maria yaatuuka Yesu ghe yali era olwamubona ati yaakuba amakiryaivu gha bigere bye yaamukoba ati: “Musengwa, nguli wali ghano mwanhinaze tiyandifiire!”

Ebikolwa by'Abatume 13:15

Ebyaghandiikibwa mu Mateeka ni mu balanzi bwe byawa okusomebwa, abakulu ba sinagoga baabeeta nga babakoba bati: “Aboluganda, oba nga muli n'ekibono eky'okulamba abantu mukyogere.”

Ebikolwa by'Abatume 28:8

Agho ise wa Pubulio yaalwala omusuudha n'ekighaluko eky'omusaayi. Paulo yaaja y'ali, yaamusabira. Bwe yamwisaaku emikono, yaamuwonia.