Matayo 9:17 - Baibuli Ekibono kya Katonda 2014

¹⁷ Era tibata mwenge gwa mizabbibu musu mu nsawo dha luwu nkaire. Bwe bakikola, ensawo dhitulika, omwenge gwafukika era n'ensawo dhaadhagalika. Aye omwenge gw'emizabbibu omusu baguta mu nsawo dha luwu mpyaka, olwo byombi byakuumibwa bukalamu.”

Matayo 9:17 ပူးပေါင်းရင်းမြစ်များ

Yobu 32:19

Nziyiire, nziraku bugheereso. Bona, ndi ng'oti mwenge gwa mizabbibu omusu ogusandikiirwa, ogwenda okutulisa ekintu mwe bagutaire.

Zabbuli 119:83

Nze nafuuka ng'oti n'endyanga ey'oluwu etakaagasa; aye tyerabirangaku biragiro byo naire.

Matayo 9:16

“Ghazira atunga kighero kya lugoye luyaaka mu lugoye lukaire, kuba kikanukagho, ekituli kyeyongera bweyongere.

Matayo 9:18

Yesu bwe yali ng'akaayogera nabo ebyo, omukungu mulala yaatuuka, yaakuba amakiryaivu, yaakoba ati: “Mughala wange yaakakutuka aye idha omugemeku n'omukono gwo, aidha kulama.”

Mariko 2:22

Era ezira afuka mwenge ogw'emizabbibu musu mu nsawo dha luwu nkaire kuba ensawo dhikanuka n'omwenge ogw'emizabbibu gwafukika. Omwenge omusu guli na kufukibwa mu nsawo dha luwu mpyaka.”

Luka 5:37

Era ezira afuka mwenge gwa mizabbibu mu nsawo dha luwu nkaire bw'akikola omwenge ogwo omusu gutulisa ensawo gwafukika, n'ensawo dhaadhagalika.

Luka 5:38

Aye omwenge gw'emizabbibu omusu guteekwa kuteebwa mu nsawo dha luwu mpyaka.

Yoshua 9:4

Kale beene baasalagho okumuguya. Baafunayo emere baagita mu ndyanga enkaire einho, baagitwika endogoyi dhaibwe ghalala n'ensawo enkaire edh'amawu edh'omwenge ogw'emizabbibu dhe baagheraghera ni dhiidula ebighero.