Matayo 9:16 - Baibuli Ekibono kya Katonda 2014

¹⁶ “Ghazira atunga kighero kya lugoye luyaaka mu lugoye lukaire, kuba kikanukagho, ekituli kyeyongera bweyongere.

Matayo 9:16 ပူးပေါင်းရင်းမြစ်များ

Amainhama 33:14

Nkweghembye Musengwa wange iwe nkulemberaamu, nze ndidha kwidha mpolampola nga bwe nnaaghanga okutambula n'ensolo dhe nkulembeizaamu era n'abaana, okutuusa lwe nnaakutuukaku mu Seiri.”

Zabbuli 125:3

Abakozi b'ebibi tibalifuga nsi ya bantu batuufu, kuba abatuufu basobola boona okugwa mu kibi.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Matayo 9:15

Yesu yaabakoba ati: “Abageni b'oyo abayiiza basobola okunakughala ng'abayiiza akaali nabo? Enaku bwe dhirituuka, abayiiza n'abatoolebwaku, olwo ni balisiiba.

Matayo 9:17

Era tibata mwenge gwa mizabbibu musu mu nsawo dha luwu nkaire. Bwe bakikola, ensawo dhitulika, omwenge gwafukika era n'ensawo dhaadhagalika. Aye omwenge gw'emizabbibu omusu baguta mu nsawo dha luwu mpyaka, olwo byombi byakuumibwa bukalamu.”

Mariko 2:21

“Ezira atunga kighero kya lugoye luyaaka mu lugoye lukaire, kuba oluyaaka lukanula olukaire ekituli kyeyongera obunene.

Luka 5:36

Ate yaabakobera n'olufumo luno: “Ezira akanula kighero ku lugoye luyaaka n'akitunga ku lugoye lukaire. Bw'akikola, oluyaaka alukanula ate n'ekighero eky'oluyaaka kyaloba kutuukana na lukaire.

Yoanne 16:12

“Nkaali n'ebintu kamaala eby'okubakobera aye timughanga kubigumira mperaano.

1 Ab'e Korintho 13:13

Mperaano ghaligho ebintu bisatu: okwikiriza, okusuubira n'okugonza aye ekisinga bino obukulu, kugonza.

2 Ab'e Korintho 9:12

Okugheereza kuno kwe mukola tikukanga ku kwiruukirira bwetaavu bwa batuukirivu kwonka, aye kuleetera n'abantu okweyanza einho Katonda.