Matayo 8:9 - Baibuli Ekibono kya Katonda 2014

⁹ Nze zeena ndi muntu atwalibwa, ate ndi n'abaisirukale be ntwala. Era bwe nkoba ono nti, ‘Ja,’ aja n'owundi nti, ‘Idha,’ aidha n'omwiru wange nti, ‘Kola kino,’ akikola.”

Matayo 8:9 ပူးပေါင်းရင်းမြစ်များ

Zabbuli 119:91

Olw'ekiragiro kyo ebintu byonabyona bikaaligho ni ye buli eno, kuba ebintu byonabyona bigheereza mulala iwe.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Matayo 8:10

Yesu bwe yawulira ebyo, yeewuunhia, era yaakoba abaali bamunonereza, ati: “Bwenebwene ka mbakobere tyagaananga muntu ali na kwikiriza nga kuno mu Isiraeli!

Matayo 8:8

Omukulu ow'ekikunsu eky'abaisirukale yairamu ati: “Musengwa, tigwanira iwe kwingira mu ndhu yange, aye yogera bwogere kibono omugheereza wange aidha kuwona.

Mariko 1:27

Abaaligho boonaboona beewuunhia era beebuuzagania beene na beene bati: “Kino naani eyali akiboine? Eno ndhegeresa ki empyaka ey'obuyinza? Ono alagira n'emizimu gyamuwulira!”

Luka 4:39

Yaayemerera ghe yali yaalagira omusuudha gwa muleka, era mangu ago yaasitukiramu yaabagheereza.

Luka 7:8

kuba ndi musaadha mutwalibwa, ate era ndi n'abaisirukale be ntwala. Era nkoba ono nti, ‘Ja,’ era yaaja. Ate owundi nti, ‘Idha,’ era yaidha ate omwiru wange nti, ‘Kola kino,’ era yaakikola.”

Luka 9:1

Yesu bwe yamala okweta aghalala Eikumi n'Ababiri, yaabagha amaani n'obukumu ku mizimu emibi gyonagyona, n'okuwonianga endwaire.

Ab'e Kolosai 3:22

Abairu mugonderenga basengwa baimwe ab'oku nsi kuno mu buli kintu. Kino mutakikolanga nga bali kubabona, olw'okwenda okubafunaku obwende. Aye mukikolenga mu mwoyo oguziramu buguya era mu kutya Musengwa.

Tito 2:9

Koba abairu bawulirenga basengwa baibwe era babasiimyenga mu bintu byonabyona nga tibabatakania,