Matayo 8:6 - Baibuli Ekibono kya Katonda 2014

⁶ ng'akoba ati: “Musengwa, omugheereza wange agoomeire ghaka mu bulumi obubitirivu.”

Matayo 8:6 ပူးပေါင်းရင်းမြစ်များ

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 8:7

Yesu yaamukoba ati: “Leka ndidhe mmuwonie.”

Matayo 9:2

Tibwalwa, nga bamuleetera omuntu eyagogoma, ng'alambaire ku ndiri. Yesu bwe yabona okwikiriza kwaibwe, yaakoba omugogomu ati: “Guma omwoyo mwana wange, ebibi byo bikusoniyiibwa.”

Ebikolwa by'Abatume 10:7

Malaika wa Musengwa eyali ayogera naye bwe yaja, Korunelio yaayeta babiri ku bagheereza be n'omwisirukale mulala ku abo abamukuuma, eyali omuntu ow'eidiini.

Ebikolwa by'Abatume 8:7

Kuba emizimu emibi gyava ku bantu kamaala nga gyasiikanira ghaigulu, era abagongobavu n'abalema kamaala baawonezebwa.

Ebikolwa by'Abatume 9:33

Eyo yaayagaanayo omusaadha nga eriina lye ni Ayenea eyagongobala n'agogomera ku ndiri okumala emyaka munaana.

Ab'e Kolosai 3:11

Olwo ghabe nga tighakaali kuboola oti ono Mugureki, ono Muyudaaya, ono mukekete, ate ono ti mukekete, ono wa ighanga lindi, ono ti mugundhufu, ono mwiru, ate ono ti mwiru. Kurisito n'ali byonabyona era n'ali mu byonabyona.

Ab'e Kolosai 4:1

Imwe basengwa b'abairu, mubisenga abairu baimwe bukalamu nga bwe kigwaine, nga mwidhukira nga mwena muli ni Musengwa waimwe mu igulu.

1 Timotheo 6:2

Abairu abo abali ni basengwa baibwe nga Bakuristo, batabeemanhirizanga olw'okuba baganda baibwe. Beeyongerenga bweyongere okubagheereza obukalamu, kuba abo be bagheereza Bakuristo era bagonzi. Ebyo by'obe obeegeresenga era obakubirizenga okukola.

Filemoni 1:16

Era mperaano ti mwiru bwiru kyonka, aye asinga omwiru: buti waluganda waife, omugonzi einho ye nze, aye ate okusingira irala ye iwe. Kuba mwiru ate kabiri yaaba muganda wo mu Musengwa!