Matayo 8:30 - Baibuli Ekibono kya Katonda 2014

³⁰ Ghaaligho ekighaso eky'embiidhi kamaala edhaali dhiri kulya, nga dheeswireku akata.

Matayo 8:30 ပူးပေါင်းရင်းမြစ်များ

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Abalevi 11:7

Era mutalyanga mbiidhi. Munaagibaliranga mu ebyo ebitali birongoofu, kuba waire eri n'ebinuulo ebyawulemu, aye teiza bwekulumo.

Matayo 7:6

“Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Matayo 8:31

Emizimu gyamweghemba nga gikoba giti: “Bw'otubinga ghano, tusindike mu kighaso eky'embiidhi.”

Mariko 5:11

Okumpi agho ku lusozi ghaaligho embiidhi edhaali dhiri kulya.

Luka 8:32

Mperaano, agho ku lusozi ghaaligho ekighaso eky'embiidhi kamaala kale gyamusaba agiganhe gije mu mbiidhi edho, era yaagiganha.

Amateeka Agokubiri 14:8

Era mutalyanga mbiidhi. Yoona mwidha kugibaliranga mu nsolo edhitali nongoofu, kuba waire eri n'ebinuulo ebyawulemu, aye teiza bwekulumo. Mutalyanga ku mamba ya nsolo edho, waire okudhigemaku nga dhifiire.