Matayo 8:29 - Baibuli Ekibono kya Katonda 2014

²⁹ Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Matayo 8:29 ပူးပေါင်းရင်းမြစ်များ

2 Samueli 16:10

Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Samueli 19:22

Aye kyabazinga Daudi yaamukoba ati: “Ye mumbeereire ki imwe abaana ba Zeruia? Lwaki mwenda okundeetaku obuzibu olwaleero? Mudhuuba muti ghaligho anaitibwa mu Isiraeli olwaleero luno? Nkiidhi bukalamu nti mperaano ninze kyabazinga wa Isiraeli.”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

2 Bakyabazinga 3:13

Elisha yaakoba kyabazinga wa Isiraeli ati: “Nze ndi na nkolagana ki n'iwe? Ja y'abalanzi ba lata wo ni y'abalanzi ba inhoko.” Aye kyabazinga wa Isiraeli yairamu ati: “Busa, Musengwa Katonda n'atwese ife bakyabazinga abasatu okututa mu ngalo dha Moabu.”

2 Ebyomubyanda 35:21

Aye Neko yaamugheereza abakwenda ng'akoba ati: “Ku iwe kyabazinga wa Buyudaaya ni ku nze, naani ali n'ensonga ku mwine? Nze leero tiidhie kulwanisa iwe. Ndidhie kulwanisa bazigu bange, era Katonda andagiire okwangughaku. Katonda ali ghalala ninze, kale loba kumulwanisa, olwo aleke okukuzikiriza.”

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Matayo 4:3

Omukemi yaaseeta, yaamukoba ati: “Oba oli Mwana wa Katonda koba amabaale gano gafuuke emigaati.”

Matayo 8:30

Ghaaligho ekighaso eky'embiidhi kamaala edhaali dhiri kulya, nga dheeswireku akata.

Mariko 1:24

“Otwendeza ki iwe Yesu ow'e Nazarethi? Oidhie kutuzikiriza? Nkwidhi niiwe omutukuvu wa Katonda.”

Mariko 3:11

N'emizimu bwe gyamubonanga nga gyeyala agho mu maiso ge gyayasiikana giti: “Niiwe Omwana wa Katonda!”

Mariko 5:7

era yaayasiikana ati: “Yesu Omwana wa Katonda Ali Ghaigulu Yeene onhendeza ki? Mu ga Katonda otandaazadaaza!”

Luka 4:34

“Tuleke, otwendeza ki, Yesu Omunazarethi? Oidhie kutuzikiriza? Nze nkwidhi, niiwe omutukuvu wa Katonda.”

Luka 4:41

Era n'emizimu emibi gyona gyava ku bantu kamaala nga gyasiikana giti: “Iwe oli Mwana wa Katonda!” Yaagikaabukira nga tagiganha kwogera, kuba gyali gimwidhi nga ni Kurisito.

Luka 8:28

Bwe yabona Yesu, yaagwa agho mu maiso ge era yaaleekaanira ghaigulu ati: “Yesu Omwana wa Katonda Ali Ghaigulu Yeene, onhendeza ki? Nkweghembye otandaazadaaza.”

Yoanne 2:4

Yesu yaamwiramu ati: “Mukazi iwe, ombeereire ki? Ekiseera kyange kikaali kutuuka.”

Ebikolwa by'Abatume 16:17

Yaanonereza Paulo n'ife bw'ayasiikana ati: “Abantu bano bagheereza ba Katonda Ali Ghaigulu Yeene, abali kubakobera nga bwe mughanga okulokolebwa.”

Yakobo 2:19

Oikiriza ekya Katonda okuba omulala? Ekyo kikalamu! Aye n'emizimu emibi gyona giikiriza ekyo, era gyadhugumira n'okudhugumira.

2 Petero 2:4

Katonda tiyasaasira bamalaika abaayona, aye yaabasuula mu geyeena, yaabasibira mu nzikiiza okutuusa ku lunaku olw'okusalirwaku omusango.

Yuda 1:6

Era ni bamalaika abo abaaleka ebifo byaibwe eby'obukumu ni babivaamu, yabasiba ku ndhegere yaabakuumira mu nzikiiza okutuusa ku lunaku olw'okusaliraku omusango.

Abalamuzi 11:12

Agho Yefutha yaatuma abakwenda ye kyabazinga ow'Abammoni bamukobe bati: “Otuvunaana ki, ky'oviireku okulumba ensi yaife?”