Matayo 8:26 - Baibuli Ekibono kya Katonda 2014

²⁶ Yesu yaabakoba ati: “Lwaki mutiire, imwe ab'okwikiriza okutono!” Yaasituka, yaakaabukira kiwunga n'enhandha, era kyaba mulaala inho.

Matayo 8:26 ပူးပေါင်းရင်းမြစ်များ

Zabbuli 65:7

Oikaikania okuwolomboka okw'enhandha, n'okuyira okw'amaadhi g'enhandha; era waikaikania okuwowoigana okw'abadheemu.

Zabbuli 89:9

Niiwe ofuga okwefuukuula okw'enhandha, era bwe yeefuukuula ogiragira yaalaala.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?

Matayo 16:8

Yesu yaakimanha n'okubakoba ati: “Ye bano abali n'okwikiriza okutono! Lwaki mwogera ku ky'okubula emigaati?

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Matayo 6:30

Kale oba Katonda avaaza atyo eisubi ery'omu nsiko eririgho leero ate enkyo ni lisuulibwa mu muliro, talisingagho kubavaaza, imwe abali n'okwikiriza okutono?

Matayo 8:27

Abantu beewuunhia nga bakoba bati: “Ono muntu wa kika ki kiwunga n'enhandha ye biwulira!”

Luka 4:35

Aye Yesu yaagukaabukira ati: “Sirika era muveeku.” Omuzimu gwamusuula ghansi mu bantu, gwamuvaaku nga tigumukosiisa.

Ab'e Roma 4:20

Tiyalekayo kwikiriza era ti yabuusabuusa Katonda kye yamusuubiza. Yeeyongera mu kwikiriza, yaagha Katonda ekitiisa

Okwolekebwa 10:2

Yali n'akazingo ak'ekitabo akatono mu ngalo, nga kazingulule. Ekigere kye ekisaadha yaakita ku nhandha, ate ekigooda yaakita ku bukalu.