Matayo 8:2 - Baibuli Ekibono kya Katonda 2014

² Agho omuntu ow'endwaire ey'ebigenge yaidha ye Yesu yaakuba amakiryaivu yaakoba ati: “Musengwa, bw'oyenda oghanga okumponia.”

Matayo 8:2 ပူးပေါင်းရင်းမြစ်များ

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

2 Bakyabazinga 15:5

Agho Musengwa Katonda yaaleetera Uzzia okulwala endwaire ey'ebigenge, yaaba nayo okutuusa lwe yafa. Yaabanga mu ndhu yiye yenka. Mutabane we Yothamu yaasigala nga n'alabirira ekisaagaati kye eky'obwakyazinga, era nga n'afuga ensi eyo.

2 Bakyabazinga 5:1

Agho olwatuuka ghaabaagho omusaadha nga ni Naamani, eyali omuduumizi w'eigye lya kyabazinga wa Siria. Naamani oyo yali muntu wa kitiibwa era ng'asiimibwa inho musengwa we, kuba olwa Naamani oyo, Musengwa Katonda yagha Siria obughanguzi. Naamani yali musaadha wa maani aziramu ntete naire, aye yali n'endwaire ey'ebigenge.

2 Bakyabazinga 5:27

Kale ni endwaire ey'ebigenge eya Naamani eidha kukugema, era egemenga n'ab'eizaire lyo ebyanda n'ebyanda.” Gehazi yaja okuva aghaali Elisha ng'ali n'endwaire ey'ebigenge, nga mweru ng'oti mugozi.

Okubala 12:10

Ekire kire bwe kyava ku Weema eyo, okuja okubona nga Miriamu aidhwire endwaire ey'ebigenge, era ng'apaaluuse ng'oti mugozi. Aaroni bweyamulingaku n'abona nga yeenayeena aidhwire endwaire eyo,

Matayo 10:8

Abalwaire mubawonianga, abafu mubazuukizanga, abali n'endwaire ey'ebigenge mubalongoosanga, emizimu emibi mugibinganga. Mwafuna kya busa mwena mukigheerenga busa.

Matayo 13:58

Era eyo tiyakolayo byewuunhio kamaala kuba tibaikiriza.

Matayo 14:33

Era abaali mu lyato baamusinza nga bakoba bati: “Bwenebwene, oli Mwana wa Katonda!”

Matayo 15:25

Aye omukazi yaidha bwidhe yaakuba amakiryaivu yaakoba ati: “Musengwa nhamba.”

Matayo 18:26

“Agho omugheereza yaakuba amakiryaivu yaamweghemba ng'akoba ati, ‘Nguminkiriza, ndidha kukusasula byonabyona.’

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

Matayo 20:20

Agho inhina w'abaana ba Zebedaayo yaaseeta Yesu gh'ali, n'abaana be, yaakuba amakiryaivu yaabaaku ni ky'amusaba.

Matayo 26:6

Agho Yesu bwe yali e Bethania mu ndhu ya Simoni eyali n'endwaire ey'ebigenge,

Matayo 28:17

Bwe baamubona, baamusinza aye abandi tibaakakasa.

Matayo 28:9

Tibwalwa Yesu yaabaagaana yaabakoba ati: “Miraala!” Baaseeta baamugema ku bigere, baamusinza.

Matayo 4:9

Era yaamukoba ati: “Ebyo byonabyona ndidha kubikugha bwe weeyala ghansi n'onsinza.”

Matayo 8:1

Agho Yesu bwe yava ku lusozi, ebikunsu eby'abantu byamunonereza.

Matayo 8:25

Kale Abeegeresebwa baaseeta gh'ali baamuzuusa nga bakoba bati: “Musengwa, tuwonie tuli kusaanagho.”

Matayo 9:18

Yesu bwe yali ng'akaayogera nabo ebyo, omukungu mulala yaatuuka, yaakuba amakiryaivu, yaakoba ati: “Mughala wange yaakakutuka aye idha omugemeku n'omukono gwo, aidha kulama.”

Luka 4:27

Ate era ab'endwaire ey'ebigenge baali kamaala mu Isiraeli mu byanda bya Elisha omulanzi. Aye era ku abo ghazira naire mulala eyawonezebwa okutoolaku Naamani Omusiria.”

Yoanne 9:38

Omusaadha yaakoba ati: “Musengwa, ndhikiriza.” Yaasinza Yesu.

Ebikolwa by'Abatume 10:14

Aye Petero yairamu ati: “Busa, Musengwa. Nze tiryangaku kintu kya muziro waire ekitali kirongoofu.”

Ebikolwa by'Abatume 10:25

Agho Petero bwe yali ng'ali kwingira, Korunelio yaidha y'ali yaakuba amakiryaivu gha bigere bye yaamusinza.

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.