Matayo 8:17 - Baibuli Ekibono kya Katonda 2014

¹⁷ Kino kyatuukiriza omulanzi Isaia kye yakoba ati: “Yatuwonia ebituluma, yeetwika ebirwaire byaife.”

Matayo 8:17 ပူးပေါင်းရင်းမြစ်များ

Amainhama 22:6

Aburahamu yaatoola enku edh'okwokya ekigheebwayo, yaadhitwika omwana we Isaaka, mwene yaagema omuliro n'akambe, baaja bombi.

Isaia 53:4

Bwenebwene yatwala obughafu bwaife, yeetwika enaku yaife. Aye ife twalowooza tuti okukubibwa n'okufumitibwa n'okudaazibwadaazibwa kwe kyali kibonerezo Katonda kye yamusindikira.

Matayo 1:22

Bino byonabyona byaligho okutuukiriza Musengwa kye yayogerera mu mulanzi ati:

Matayo 2:15

era baasigala eyo okutuusa Herode bwe yafa. Kyali kityo okutuukiriza Musengwa kye yayogerera mu mulanzi ati: “Nayeta omwana wange ave mu Misiri.”

Matayo 2:23

Era bwe yatuuka yaatyama mu kibuga ekyetebwa Nazarethi kyatuukirira kityo ekyayogerwa abalanzi kiti: “Alyetebwa Munazarethi.”

Mariko 1:32

Endhuba bwe yagwa nga ni kanzimyenzimye agemye, baaleetanga gh'ali abalwaire aba buli nsambo nga n'abagemeibwa emizimu bali omwo.

Luka 4:40

Agho endhuba bwe yali ng'egwa, boonaboona abaali n'abagodhe ab'ebirwaire ebya buli nsambo, baabaleeta gh'ali, era yaabagemaku mulala mulala yaabawonia.

2 Ab'e Korintho 12:10

Ku lwa Kurisito ndi musangaavu okuba n'obunafu, okuvumibwa, okuba n'ebizibu, okukirigibwa n'okukaluubirizibwa. Kuba bwe mba omunafu, olwo bwe mba ow'amaani.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.