Matayo 7:6 - Baibuli Ekibono kya Katonda 2014

⁶ “Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

Matayo 7:6 ပူးပေါင်းရင်းမြစ်များ

Ensambo 11:22

Omukazi aboneka obulungi aye ng'azira mpisa, ali ng'oti mpeta ya zaabu eri mu nhindo ey'embiidhi.

Ensambo 23:9

Otayogeranga na musiru, kuba amagezi g'omugha aja kuganhooma bunhoome.

Ensambo 26:11

Omusiru airamu okukola eby'ekisiru omukuzi ogundi, aba ng'oti n'embwa emala n'erya by'eseseime.

Ensambo 26:4

Otaizaganianga bibono bya kisiru na musiru, olwo olobe kuba ng'oti ni mwene.

Matayo 15:26

Aye Yesu yaamwiramu ati: “Ti kikalamu okutoola emere ey'abaana waagisuulira obubwa.”

Matayo 24:10

Agho abantu kamaala baliterebuka, baaliidhaganamu enkwe, era baakyaghagana.

Matayo 7:5

Mukuusa iwe, sooka otoole ekisiki mu liiso eriryo, memale obone bukalamu akakaba akali mu liiso lya muganda wo n'okukatoolamu.

2 Ab'e Korintho 11:26

Mu ngendo dhange kamaala nfunie obuzibu obw'emiigo, obw'abanhazi, obuva mu Bayudaaya banange n'obuva mu bamaghanga agandi. Mbaire mu buzibu mu bibuga ni mu malungu, ku nhandha, era n'okuva y'abo abeeyeta aboluganda ate nga tibali.

Ab'e Filippi 3:2

Mwekuume abakozi ab'ebibi abeesala omubiri, edho mbwa dheene.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 6:6

Abantu ng'oti n'abo bwe bava mu kwikiriza tikisoboka kubaikirizisa kweiraku, kuba bairamu okukomerera Omwana wa Katonda ku musalaba era baamuswaza mu lwatu.

2 Petero 2:22

Ebyabatuukaku byakakasa endhogera ekoba eti: “Embwa by'esesema emala yaabirya!” N'eno ekoba eti: “Bw'onaaza embiidhi, emala yaira mu bisoodo.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.