Matayo 7:2 - Baibuli Ekibono kya Katonda 2014

² kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Matayo 7:2 ပူးပေါင်းရင်းမြစ်များ

2 Samueli 21:5

Baamwiramu bati: “Saulo oyo yatutirimbula, yaayenda bwa kutuzikiriza twenatwena tuweegho mu Isiraeli.

Zabbuli 109:17

Yayendanga inho okukolimira abantu abandi, yeena ka bamukolimire. Era nga tayendeza muntu wundi nkabi, yeena ka ghabule amwendeza enkabi.

Okuvaayo 21:24

oba eriiso olw'eriiso, oba eriino olw'eriino, oba omukono olw'omukono, oba ekigere olw'ekigere,

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Matayo 6:14

“Bwe munaasonighanga abantu ebibi byaibwe Iseimwe ow'omu igulu mwena anaabasonighanga ebibi byaimwe.

Mariko 4:24

Ekindi, yaabakoba ati: “Mwegendereze bye muwulira, ekigero ky'ogerera abandi weena ky'oligererwa, ate n'okwongerwa kiryongerwaku;

Luka 6:38

Mugabenga, era mwena muligheebwa. Ekipimo ekituufu ekitengeeseibwa ni kisiinhirwa, ni kiidhula era n'okuyuyika ni kiyuyika, kye balibagemya; kuba ekipimo kye mupimiramu abandi mwena kye mulipimirwamu.”

2 Ab'e Korintho 9:6

Mwidhukire nti oyo alima ebitono era afuna bitono, ate oyo alima ebingi era afuna bingi.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.

Abalamuzi 5:27

Sisera yagangalima agho gha bigere bya Yaeli nga tiyeesegenhia; yaagwa agho gha bigere bya Yaeli yaagalaamirira yaasigala agho gh'agwire, nga mufu.

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.