Matayo 7:15 - Baibuli Ekibono kya Katonda 2014

¹⁵ “Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Matayo 7:15 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

Yeremia 29:21

“Musengwa Katonda Afuga Amagye, Katonda wa Isiraeli, bino by'ayogera ku Ahabu mutabane wa Kolaia ni ku Zedekia mutabane wa Maaseia, abaja nga babakobera imwe eby'obuguya nga bakozesa eriina lye. Akoba ati alibaghaayo mu ngalo dha kyabazinga Nebukadinezzari ow'e Babilonia, yaabaita nga mubona muti.

Ezekieli 13:16

abo nga n'abalanzi ab'omu Isiraeli abaalanga ku Yerusalemu, bati baabonekerwa nga kija kubaamu miraala myereere, waire nga mu butuufu bwene tighaali miraala naire. Nze Musengwa Katonda ninze nkobye.”

Ezekieli 13:22

“Muja mwabuzaabuza abantu bange abalungi mwabamalamu amaani, nze be mba tyenze batuukibweku kulumizibwa kwonakwona. Ate mwaghaga abakozi b'ebibi balobe kukyuka kuva mu bibi byaibwe, kuwonia bulamu bwaibwe.

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Danieli 11:34

Mu kiseera ekyo ng'okwitibwa kukaaja mu maiso, abantu ba Katonda baliyambibwa katono inho. Era ghaligho abalibeeyimbaku, aye nga baidhwire nkwe.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Zekaria 13:4

Mu kiseera ekyo, buli mulanzi okubonekerwa kwe kulimugemya ensoni, yaatya n'okukola obulanzi, waire okuvaala ekivaalo eky'obuviiri okulimbira okwo abantu.

Matayo 10:17

Mwekuume abantu kuba balibaghaayo mu mbuga, era ni mu sinagoga dhaibwe, balibakuba enkoba.

Matayo 16:11

Kale kitya bwe mutategeera nti bye mbakobye tibigema ku migaati? Aye mwegendereze ekizimbulukusa eky'Abafarisaayo n'Abasaddukaayo.”

Matayo 16:6

“Mwekuume era mwegendereze ekizimbulukusa eky'Abafarisaayo n'Abasaddukaayo!”

Matayo 24:11

Abalanzi abaguya kamaala baliboneka era balikyamya abantu kamaala.

Matayo 7:14

Ate omulyango omutono, n'engira enfunda etuuka mu bulamu, era n'abagizuula batono.

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Luka 6:26

“Mukagwireku imwe, abantu boonaboona bwe banaaboogerangaku ebikalamu, kuba ni badhaadha baibwe batyo bwe baakola ku balanzi abasubayi.

Yoanne 10:12

Oyo ayayira empeera nga ti n'omwayi mwene ntaama, bw'abona omusege nga gwidha aleka agho entaama yaalumuka, gwadhighalarira dheesasa.

Ebikolwa by'Abatume 13:40

Kale mwerinde kirobe kubabaaku abalanzi kye baayogera nga bakoba bati,

Ebikolwa by'Abatume 13:6

Bwe baabitabita mu kizinga kyonakyona okutuuka e Pafo, baayagaana Omuyudaaya omulogo, era omulanzi ow'obuguya nga eriina lye ni Bari Yesu.

Ab'e Galatia 2:4

Ghaligho abaakyogeraku nga beefuula okuba abaikiriza, beibirira baatweyimbaku. Kye baayenda n'okubona eidembe lye tuli nalyo mu Kurisito Yesu era n'okutwiza mu bwiru.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Ab'e Filippi 3:2

Mwekuume abakozi ab'ebibi abeesala omubiri, edho mbwa dheene.

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

2 Petero 3:17

Imwe ni bakagwa, nga bwe mukiidhi obukalamu, mwekuume mulobe kutwalibwa mu bukyamu bwa bantu babi, na kuva ghe mwekalanguliire kugwa.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Okwolekebwa 16:13

Naabona emizimu emibi esatu egyaboneka ng'oti bikere, nga giva mu kanwa omw'ogusota, ni mu kanwa omw'ekisolo, ni mu kanwa omw'omulanzi omuguya.

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.