Matayo 7:13 - Baibuli Ekibono kya Katonda 2014

¹³ “Mwingirire mu mulyango omutono kuba omulyango omunene, n'engira enene etuuka mu kuzikirira, era abantu kamaala bagema eyo.

Matayo 7:13 ပူးပေါင်းရင်းမြစ်များ

Amainhama 6:12

Katonda yaalingirira ensi, yaabona ng'eidhwire obubi, kuba obulamu obw'abantu boonaboona bwali bwidhwire kukola bibi byereere.

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Ensambo 16:25

Omuntu asobola okugema engira ng'adhuuba ati ntuufu, aye yaamutuusa ku kufa.

Ensambo 7:27

Bw'oja mu ndhu ye, oba oseese mu magombe, era oba otuuse mu nsi ey'abafu.

Ensambo 9:6

Va mu bantu abazira kye baidhi obe mulamu, era weebise mu nsambo eyoleka ng'otegeera.”

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 3:8

Kale ni mwanie ebibala ebyoleka okwenenia.

Matayo 7:14

Ate omulyango omutono, n'engira enfunda etuuka mu bulamu, era n'abagizuula batono.

Luka 14:33

Kale ni, buli muntu ku imwe atayenda kuleka by'ali nabyo byonabyona, tasobola kuba mwegeresebwa wange.

Luka 9:33

Agho abasaadha bwe baava aghali Yesu, Petero yaamukoba ati: “Musengwa, tulongoire twaba ghano, era ka tuseemente entindi isatu: eyiyo, eya Musa, n'eya Eliya.” Yali taidhi ky'ali kukoba.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 20:3

yaagusuula mu lwina olwo yaigalagho. Yaataaku n'ekuufulu gulobe kwiramu kuguya maghanga, okutuusa emyaka olukumi (1,000) lwe giriwaaku. Egyo bwe giriwaaku, gwa kusibulwa okumala akaseera katono.