Matayo 7:12 - Baibuli Ekibono kya Katonda 2014

¹² “Kale ni ebyo byonabyona bye mwenda abantu babakolere, mutyo mwena mubibakolerenga kuba ekyo Amateeka n'abalanzi kye bitegeeza.

Matayo 7:12 ပူးပေါင်းရင်းမြစ်များ

Ezekieli 18:21

“Aye omuntu omubi bw'akyuka n'aleka ebibi bye byonabyona bye yakola, n'akola ebituufu ng'ajiira ku mateeka, talifa. Bwenebwene aliba mulamu.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 5:17

“Muleke kudhuuba muti naidha okudibya Amateeka oba abalanzi, tyaidha kudibya aye kutuukiriza.

Luka 6:31

Era nga bwe mwandyenze abantu babakolere, mwena bwe mube mubakolere.

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

Yakobo 2:8

Muba mukoze bukalamu bwe mutuukiriza eiteeka lino eikulu, nga bwe kyaghandiikibwa kiti: “Ogonzanga muntu mwino ng'oti ni bwe weegonza mwene.”