Matayo 6:6 - Baibuli Ekibono kya Katonda 2014

⁶ Aye iwe bw'obanga ng'osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby'ekyama alikugha empeera.

Matayo 6:6 ပူးပေါင်းရင်းမြစ်များ

2 Bakyabazinga 4:33

Agho yeigalizaamu yenka n'omwana, yaasaba Musengwa Katonda.

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Ensambo 25:22

Bw'okola otyo olimuswaza, era Musengwa Katonda alikugha empeera.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Matayo 14:23

Bwe yamala okusiibula abantu yaaja okusaba yenka eyo ku lusozi. Eigulo lyatuuka ng'ali eyo yenka.

Matayo 6:18

olobe kuboneka mu bantu ng'osiiba, aye Lata wo ali mu ngiso n'abe akubone oyo Lata wo abona eby'ekyama alikugha empeera.

Matayo 6:4

Kityo ni ky'ogabye kyaba kya kyama era Lata wo abona eby'ekyama alikugha empeera.

Yoanne 1:48

Nathanaeli yaamubuuza ati: “Waamanhira gha?” Yesu yaamwiramu ati: “Nkuboine ng'oli mu muti omutiini memale Filipo akwete.”

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Ebikolwa by'Abatume 10:30

Korunelio yairamu ati: “Enaku ina edhibiseegho, nali ndi mu nhumba yange nga ndi kusaba ku saawa eyomwenda. Mangu ago, naabona omusaadha ng'avaire engoye edhimesunkana ng'ayemereire mu maiso gange.

Ebikolwa by'Abatume 10:9

Ku lunaku olwairirira, bwe baali nga bakaali mu ngira era nga banaatera okutuuka mu kibuga, ku saawa nga mukaaga edh'omusana, Petero yaaniina ghaigulu ku nhumba okusaba Katonda.

Ebikolwa by'Abatume 9:40

Petero yaabafulumya ku luya boonaboona, yaakuba amakiryaivu yaasaba era yaakyukira omulambo yaakoba ati: “Tabitha, situka.” Agho Tabitha yaazibula amaiso, era bwe yabona Petero, yaatyama.

Ab'e Roma 8:5

Abo abafugibwa omubiri, ebidhuubo byaibwe byonabyona biri ku bya mubiri, aye abo abafugibwa Mwoyo, ebidhuubo byaibwe byonabyona biri ku bya Mwoyo.

Ab'Efeso 3:14

Kyenva ni nkuba amakiryaivu mu maiso ga Lata,