Matayo 6:28 - Baibuli Ekibono kya Katonda 2014

²⁸ “Eby'ebivaalo lwaki mubyeraliikirira? Mudhuubirize ku bimuli eby'omu nsiko nga bwe bikula: ghazira kye bikola waire kuluka ngoye.

Matayo 6:28 ပူးပေါင်းရင်းမြစ်များ

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Matayo 10:10

waire nsawo ya lugendo oba ebivaalo ebibiri, waire ngaito oba mwigo kuba omukozi agwana okusasulwa enkemba ye.

Matayo 6:25

“Kyenva mbakoba nti: muteeraliikiriranga mu bulamu bwaimwe kye munaalya oba kye munaanhwa, waire omubiri gwaimwe kye munaavaala. Obulamu ti bwa mughendo okusinga emere? N'omubiri ti gwa mughendo okusinga eby'okuvaala?

Matayo 6:27

Naani ku imwe, ni bwe yeeraliikirira atya, asobola okwongera akaseera ku bulamu bwe?

Matayo 6:31

“Kale ni muteeraliikiriranga nga mukoba muti tunaalya ki? Oba muti tunaanhwa ki? Oba muti tunaavaala ki?

Luka 10:41

Musengwa yaamwiramu ati: “Maritha, Maritha weeraliikirira era otaghaanizibwa ebintu kamaala

Luka 12:11

“Ate bwe babatwalanga mu sinagoga ni mu bafuzi ni mu baami okubawozesa, muteraliikiriranga kya kwiramu oba kya kwogera

Luka 12:22

Agho yaakoba Abeegeresebwa be ati: “Kale ka mbakobere muteraliikiriranga kya kulya, lwa bulamu bwaimwe, oba kya kuvaala olw'emibiri gyaimwe.

Luka 12:27

Ate bw'olowooza ebimuli bya liri nga bwe bikula: Tibitakabana waire okuluka engoye aye nhenda okubakobera, waire Solomoni mu bitiisa bye byonabyona, tiyavaalanga n'ayaga waire n'ekimuli ekirala ku ebyo.

Luka 3:11

Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

1 Petero 5:7

Mumulekere ebibeeraliikiriza byonabyona, kuba abafaaku inho.