Matayo 6:20 - Baibuli Ekibono kya Katonda 2014

²⁰ Mwebiikire eby'obukombe mu igulu, eyo ebisiisa waire okutalaiga ye kutabyonoonera, era abaibi ye batasima waire okwiba;

Matayo 6:20 ပူးပေါင်းရင်းမြစ်များ

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Matayo 19:21

Yesu yaamukoba ati: “Oba ng'oyenda okuba atuukiriire, ja otane ebibyo, oghe abaavu, era oidhe onnonereze, obukombe oliba nabwo mu igulu.”

Matayo 6:19

“Oteebiikiranga bya bukombe mu nsi muno, ebisiisa n'okutalaiga mwe bibyonoonera, n'abaibi mwe basima ni babiiba.

Mariko 10:21

Yesu yaamwekalirisa yaamwesiimisa, era yaamukoba ati: “Kirala ky'okaabulwaku! Ja otunde by'oli nabyo byonabyona, oghe abaavu, eby'obukombe oliba nabyo mu igulu oidhe obitenga ninze.”

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Timotheo 6:19

Olwo banaaba beeterekeire obukombe obulibagasa mu biseera ebiriidha, bw'abafunisa obulamu bwene.

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 1:4

Era n'okufuna omugabo ku birungi bya Katonda ebitawaagho, ebitayonooneka era ebitasiiwuuka, ebyabaterekerwa mu igulu.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

Okwolekebwa 2:9

Ndidhi okudaagadaaga kwo n'obwavu bwo, ate ng'oli mukombe. Ndidhi ebikughaamibwa abo abeeyeta Abayudaaya, ate nga ti Bayudaaya, aye abantu ba Sitaani.