Matayo 6:2 - Baibuli Ekibono kya Katonda 2014

² “Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Matayo 6:2 ပူးပေါင်းရင်းမြစ်များ

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 37:21

Omubi bwe yeewola tasasula, aye omutuufu aba mugabi nga ti mukenge.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 20:6

Abantu kamaala beesuuta okuba ab'ekisa, aye omwesigwa naani asobola okumuzuula?

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Matayo 15:7

Bakuusa imwe! Isaia bye yalanga ku imwe bituufu inho, bwe yakoba ati,

Matayo 16:3

ate mu nkyo eigulu bwe limyuka mukoba muti, ‘Gazigwire era gandiba amabi.’ Mwidhi emboneka ey'eigulu ky'etegeeza aye mwaloba okumanha obumanhiso obw'ebiseera bino?

Matayo 22:18

Yesu bwe yamanha olukwe lwaibwe yaabakoba ati: “Bakuusa imwe, lwaki mundeba?

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Matayo 23:6

Bagonza okuba mu bifo eby'ekitiisa ku mbaga, era ni mu sinagoga bagonza ebifo ebisinga bukalamu

Matayo 24:51

Musengwa we alimubonereza inho, yaamuta mu bakuusa omuli okugegenga n'okuluma emba olw'obulumi obubitirivu.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:3

Aye iwe bw'ogabanga, toganhanga mukono gwo mugooda kumanha musaadha kye gukola.

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Matayo 7:5

Mukuusa iwe, sooka otoole ekisiki mu liiso eriryo, memale obone bukalamu akakaba akali mu liiso lya muganda wo n'okukatoolamu.

Mariko 12:39

n'okutyama mu bifo eby'emberi mu sinagoga, n'okuba mu bifo eby'ekitiisa ku mbaga, era

Mariko 7:6

Yesu yaabakoba ati: “Bakuusa imwe, Isaia yalanga bukalamu ku imwe nga bwe kyaghandiikibwa kiti, ‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Luka 11:43

“Mukagwireku Abafarisaayo! Kuba mwenda inho ebityamo eby'emberi mu sinagoga, n'okulamusibwa mu biya.

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 12:56

Baguya imwe! Oba nga mwidhi okutuuka ku makulu ag'emboneka ey'ensi n'eigulu, mulemwa mutya okutuuka ku makulu ag'ebiseera bino?

Luka 13:15

Musengwa yaamwiramu ati: “Bakuusa imwe! Naani mu imwe, ku lwa Sabbato atasibula nte ye, oba ndogoyi ye mu kitabo n'agitwala kunhwa?

Luka 20:46

“Mwekuume Abanamateeka abagonza okuniaga nga bavaire ebivaalo ebireeyi, okulamusibwa mu biya n'okutyama mu bifo ebisinga mu sinagoga ni ku mbaga

Luka 6:24

Aye mukagwireku imwe abakombe, kuba muli n'ebibasanhusa.

Luka 6:42

Oba, okoba otya muganda wo oti, ‘Muganda wange, ka nkutoole akakaba mu liiso,’ nga iwe mwene tobona kisiki kiri mu liryo? Muguya iwe, sooka otoole ekisiki mu liiso lyo memale oghange okubona obukalamu akakaba akali mu liiso lya muganda wo, n'okukatoolamu.

Yoanne 13:29

Abandi baali badhuuba bati engeri Yuda ye yali omugemi w'endyanga, Yesu yali ali kumukoba kuja kugula bye beetaaga ku kibinuko, oba kubaaku ni ky'agha abaavu.

Yoanne 5:41

Nze tinoonia kusaakibwa bantu

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Yoanne 7:18

Ayogera ebibye ku bubwe anoonia kumusaaka, aye ayenda basaake eyamutuma aba mwesigwa era tabaamu buguya bwonabwona.

Ebikolwa by'Abatume 10:2

Yali muntu wa idiini era nga mwene n'ab'omu maka ge baisa mu Katonda ekitiisa. Yaghanga abantu obuyambi kamaala era nga talekera kusaba Katonda.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

Ebikolwa by'Abatume 10:4

Korunelio yaamulingirira era ng'atya, yaamukoba ati: “Musengwa, kiki?” Malaika yaamwiramu ati: “Katonda aidhukiire okusaba kwo n'okutona kwo.

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ebikolwa by'Abatume 24:17

“Nga ghabiseeghooku emyaka, naidha okuleetera ab'omu ighanga lyange obuyambi n'okughaayo ebirabo.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

Ab'e Roma 12:8

Oba kulamba tulambenga, oba kugaba tugabenga n'omwoyo mulala; omufuzi abenga munhinkiivu, n'oyo akolera abandi eby'ekisa akolenga atyo nga musangaavu.

1 Ab'e Korintho 13:3

Ni bwe mpaayo ebyange byonabyona okuliisa abanaku, era ni bwe mpaayo omubiri gwange okwokebwa ghazira kye nganhulwa, bwe mba nga tigonza bantu banange.

Ab'e Galatia 2:10

Kirala kyonka kye baatukoba, buteerabira baghafu ab'omu kikunsu kyaibwe, era nga n'ekintu kyene ekyo kye mbaire ntangaku omwoyo gwange.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

1 Ab'e Thessalonika 2:6

Era titukolererangaku kusaakibwa bantu, ka babe imwe oba abandi, waire nga twandisoboire okubakaluubiriza ng'Abatume ba Kurisito.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Filemoni 1:7

Muganda wange, okugonza kwo kundeeteire okusagamba einho era n'okwiramu amaani, kuba ku lulwo emyoyo gy'abatuukirivu, giize buyaaka.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”