Matayo 6:16 - Baibuli Ekibono kya Katonda 2014

¹⁶ “Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:16 ပူးပေါင်းရင်းမြစ်များ

2 Samueli 12:16

Kale Daudi yaasabira omwana oyo eri Katonda, yaasiiba, era yangiranga mu ndhu yaalambaalanga ghansi obwire bwonabwona.

2 Samueli 12:21

Abagheereza be baamukoba bati: “Ekyo ky'okoze kitegeeza ki? Wasiiba era waalirira omwana wo ng'akaali mulamu, aye bw'afiire waasituka waalya n'emere!”

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Zabbuli 109:24

Ebivu biinafiighe olw'okusiiba endhala, n'omubiri gwange guniaire, guli magumba meereere.

Zabbuli 35:13

Ate nga beene bwe baali abalwaire, nze nanakughala, neerumya nga nsiiba endhala, naasaba nga nkotaimya omutwe,

Zabbuli 69:10

Bwe neerumya nga nsiiba endhala, kinfuukira ekivumo.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Matayo 6:1

“Mwegendereze ebikolwa byaimwe ebirungi obutabikola mu maiso ga bantu nga mwenda bababone, kuba bwe mukola mutyo timulifuna mpeera wa Iseimwe ali mu igulu.

Matayo 6:2

“Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Mariko 2:18

Mu kiseera ekyo abeegeresebwa ba Yoanne n'Abafarisaayo baali basiiba agho ni abantu n'okwidha eri Yesu baamukoba bati: “Abeegeresebwa ba Yoanne n'abeegeresebwa b'Abafarisaayo basiiba, aye lwaki ababo tibasiiba?”

Luka 18:12

Nze nsiiba emikuzi ebiri buli nnaku musanvu, era ku buli bintu eikumi bye nfuna nkughaaku ekirala.’

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

Ebikolwa by'Abatume 10:30

Korunelio yairamu ati: “Enaku ina edhibiseegho, nali ndi mu nhumba yange nga ndi kusaba ku saawa eyomwenda. Mangu ago, naabona omusaadha ng'avaire engoye edhimesunkana ng'ayemereire mu maiso gange.

Ebikolwa by'Abatume 14:23

Bwe baamala okutaagho, abakulembeze mu kiisi Kikunsu ky'Abaikiriza mu Kurisito baabagemya Musengwa ye baikiriza, nga basaba era nga basiiba.

1 Ab'e Korintho 7:5

Ole atalobanga mwine, okutoolaku nga musoose kwisania mwataagho ekiseera eky'okusabiramu Katonda. Aye ekiseera ekyo nga kiwoireku mwirengamu nga buliidho, kuba Sitaani asobola okubasendasenda mwaloba kwekuuma.

2 Ab'e Korintho 11:27

Mbaire n'okukola einho n'amaani era emikuzi kamaala nga nsula titendwike, ndi ndhala, n'endigho enuma ate nga nzira na mere ya kulya, naaba mu mpewo nga nzira na kya kwebwika.

2 Ab'e Korintho 6:5

okukubibwa, okusibibwa mu makomera, obwegugungo, okufaabiikana, okusula nga tumoga, n'okulumwa endhala.