Matayo 6:13 - Baibuli Ekibono kya Katonda 2014

¹³ Totutwala mu kulebwa, aye tulokole mu bubi.’

Matayo 6:13 ပူးပေါင်းရင်းမြစ်များ

Amainhama 22:1

Ebyo nga biwoire, Katonda yaaleba Aburahamu yaamweta ati: “Aburahamu!” Aburahamu yaavugira ati: “Ndi ghano.”

1 Bakyabazinga 1:36

Benaia mutabane wa Yehoiada yairamu ati: “Amiina. Era, musengwa wange kyabazinga, neeghemba Musengwa Katonda wo akikakase.

1 Ebyomubyanda 16:36

Musengwa Katonda, Katonda wa Isiraeli asaakibwe! Asaakibwe buti, era asaakibwenga ebyanda n'ebyanda. Agho abantu boonaboona bakoba bati: “Amiina!” Era baasaaka Musengwa Katonda.

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

1 Ebyomubyanda 4:10

Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Zabbuli 106:48

Musengwa Katonda asaakibwe, oyo Katonda wa Isiraeli! Asaakibwe buti era n'ebyanda n'ebyanda. Abantu boonaboona ka bakobe bati: “Amiina!” Mwenamwena musaake Musengwa Katonda!

Zabbuli 22:28

kuba obufuzi bwonabwona bwa Musengwa Katonda, era oyo n'afuga amaghanga.

Zabbuli 41:13

Musengwa Katonda asaakibwe, Katonda wa Isiraeli! Asaakibwe buti era n'ebyanda n'ebyanda! Amiina era Amiina!

Zabbuli 47:2

Kuba Musengwa Katonda oyo Ali Ghaigulu Yeene agheebwa ekitiisa. Oyo ni kyabazinga omukologho afuga ensi yoonayoona.

Zabbuli 47:7

kuba Katonda ni Kyabazinga w'ensi yoonayoona, kale mumusaake mu nhembo.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 89:52

Musengwa Katonda asaakibwenga ebyanda n'ebyanda! Amiina era Amiina!

Okuvaayo 15:18

Musengwa Katonda ni kyabazinga aidha okufuganga ebyanda n'ebyanda.”

Ensambo 30:8

Mponia ebikyamu n'obuguya, era otampa kuba mwavu oba mukombe. Aye nkusaba ompenga eby'okulya bye neetaaga byonka.

Yeremia 15:21

Ndikutoola mu buyinza bw'ababi, era naakuwonia abakambwe balobe kukukola kabi. Nze Musengwa Katonda, ninze nkobye.”

Yeremia 28:6

“N'ekyo kyene! Ka nsuubire nti Musengwa Katonda aja kukola atyo, atuukirize by'olanze, aize okuva e Babilonia ebintu byonabyona bye baanhaga mu isinzizo, era aize n'abantu boonaboona abaatwalibwa mu bunhage.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 7:18

Aye abatukuvu b'oyo Ali Ghaigulu Yeene, baligheebwa obwakyabazinga bwaba bwaibwe ebyanda n'ebyanda.”

Okubala 5:22

Leka amaadhi gano agaleeta ekikolimo gakungire mu byenda, ozimbezimbe n'omugulu gwo gukutukeku.’ “Omukazi oyo aidha kwirangamu ati: ‘Amiina, Amiina.’

Matayo 26:41

Mumoge era musabe mulobe kulebwa kuba omwoyo mumalirivu aye omubiri munafu.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Matayo 5:37

Endhogera yaimwe ebenga eti, ‘Yii,’ oba eti, ‘Busa!’ Kuba ekisinga ku ebyo nga kiviire mu mubi.

Matayo 6:10

Obwakyabazinga bwo bwidhe. By'oyenda bikolebwe mu nsi nga bwe bikolebwa mu igulu.

Yoanne 17:15

Tiri kukusaba kubatoola mu nsi aye ndi kukusaba obawonie Omubi.

1 Ab'e Korintho 10:13

Ghazira kulebwa kubatuukaku, okutatuuka ku bantu bandi. Aye Katonda tasubagha, taja kuganha kulebwa kwe mutasobola kubatuukaku. Mu kiseera eky'okulebwa aidha kubaghanga amaani ag'okubigumira era n'amagezi ag'okubighangula.

1 Ab'e Korintho 14:16

Kuba bw'osiima Katonda mu mwoyo, omuntu atategeera ky'okoba aghanga atya okwiramu ati, “Amiina” ng'omaze okusaba?

2 Ab'e Korintho 1:20

Kuba oyo ni “yii” wa kiisi Katonda kye yasuubiza. Eyo n'ensonga lwaki kubwa Kurisito Yesu tukoba tuti “Amiina” nga tugha Katonda ekitiisa.

Ab'e Galatia 1:4

Yesu Kurisito ono n'eyeeghaayo olw'okwona kwaife atununule mu byanda bino bye tulimu buti ebyonooni, nga Katonda Lata waife bwe yayenda.

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

1 Ab'e Thessalonika 1:10

Era n'okulindirira Omwana we Yesu okuva mu igulu oyo ye yazuukiza okuva mu bafu, atuwonia ekiruyi kya Katonda ekiri kwidha.

2 Ab'e Thessalonika 3:3

Aye Musengwa mwesigwa, era alibagumya yaabawonia Omubi.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

1 Petero 5:8

Mwefugenga era mubenga beetegefu kuba Sitaani omuzigu waimwe aja nga atambulatambula ng'oti mpologoma eja ng'ewologoma, ng'eyagala y'enaakaavuula.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 19:1

Ebyo bwe byawa, naawulira mu igulu ekyawulikika ng'oti mamiro ga maani ag'abantu olukunkumuli, nga bakoba bati: “Musaake Katonda waife! Kuba obulokozi n'ekitiisa n'obukumu bibye!

Okwolekebwa 19:4

Abakulembeze amakumi abiri n'abana (24), n'ebitonde ebiramu ebina (4), beeyala era baasinza oyo atyaime ku kityamo eky'obwakyabazinga, nga bakoba bati: “Amiina. Musaake Katonda waife!”

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati:

Okwolekebwa 5:13

Era naawulira buli kitonde mu igulu, ni ku nsi, ni ghansi mu bafu, ni mu nhandha, byonabyona nga bikoba biti: “Oyo atyaime ku kityamo eky'obwakyabazinga era n'Entaama Ento, asaakibwe, agheebwe ekitiisa, asinzibwe, era abenga wa maani ebyanda n'ebyanda!”