Matayo 6:10 - Baibuli Ekibono kya Katonda 2014

¹⁰ Obwakyabazinga bwo bwidhe. By'oyenda bikolebwe mu nsi nga bwe bikolebwa mu igulu.

Matayo 6:10 ပူးပေါင်းရင်းမြစ်များ

Nehemia 9:6

Ezera yaakoba ati: “Wo Musengwa Katonda, niiwe wenka eyatonda eigulu, n'ebiri ghaigulu mu ibbanga byonabyona. Niiwe eyatonda ensi n'ebigirimu byonabyona. Waatonda n'enhandha n'ebigirimu byonabyona, era byonabyona waabigha obulamu. Ebiri mu igulu byonabyona bikusinza.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 12:50

Buli akola Lata wange ali mu igulu ky'ayenda, oyo ni muganda wange, ni mwanhinaze ni mukaire wange.”

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 26:42

Kabiri yaaja omukuzi ogwokubiri yaasaba ng'akoba ati: “Lata, oba nga ekikopo kino tikighanga kuntoolebwaku, okutoolaku nga nkinhweire, kikolebwe nga bw'oyenda.”

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 4:17

Okuva olwo Yesu yainhama okwegeresa n'okukoba ati: “Mwenenie kuba Obwakyabazinga obw'omu igulu buseese.”

Matayo 7:21

“Buli muntu andheta ati: ‘Musengwa, Musengwa’, ti n'alingira mu Bwakyabazinga obw'omu igulu, aye oyo akola Lata wange ali mu igulu ky'ayenda.

Mariko 11:10

Bwa nkabi obwakyabazinga bwa iseife Daudi obuli kwira! Hosanna! Ghaigulu irala.”

Mariko 3:35

Buli akola Katonda ky'ayenda, oyo ni muganda wange, ni mwanhinaze, ni mukaire wange.”

Luka 19:11

Bwe baali bakaawulirisa ebyo, Yesu yeeyongera, yaabafumira olufumo, kuba yali ali kumpi ni Yerusalemu, ate nga baali badhuuba bati Obwakyabazinga bwa Katonda bwali bwa kuboneka mangu ago.

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

Luka 22:42

yaakuba amakiryaivu, yaasaba, ati: “Lata, bwe kuba nga n'okwenda kwo ntoolaaku ekikopo kino, aye ti nga nze bwe nhenda aye nga iwe bw'oyenda.” [

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

Ebikolwa by'Abatume 21:14

Bwe twalemwa okumwikirizisa twamuleka, twakoba tuti: “Musengwa ky'asiima kikolebwe.”

Ebikolwa by'Abatume 22:14

yaakoba ati: ‘Katonda wa badhaadha baife akulonze omanhe ky'ayenda, obone Omutukuvu we era owulire eiroboozi lye.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

Ab'Efeso 6:6

Ekyo mutakikolanga lwa bantu kubabona, babasiime, aye mukolenga nga Katonda bw'ayenda n'omwoyo gwaimwe gwonagwona, ng'abagheereza ba Kurisito.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

1 Ab'e Thessalonika 4:3

Katonda ayenda, mube batukuvu, era mulekere irala obwenzi.

1 Ab'e Thessalonika 5:18

era mu byonabyona mweyanzenga. Kuba ekyo Katonda ky'abendaku mu bulamu bwaimwe mu Kurisito Yesu.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 10:7

Kye nava ni nkoba nti, ‘Katonda wange, ndidhie okukola ky'oyenda, ng'ekyaghandiikibwa bwe kindhogeraku mu nzingo y'ekitabo.’ ”

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

1 Petero 2:15

Katonda ayenda inho musirise obutamanha obw'abasiru, nga mukola ebikalamu.

1 Petero 4:2

Olwo ekiseera ky'amala ng'akaali mu mubiri, yaaba nga takaafugibwa kwegomba kwa mubiri okutoolaku okufugibwa Katonda by'ayenda.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 12:10

Agho naawulira mu igulu amamiro ag'amaani nga gakoba gati: “Mperaano obulokozi bwa Katonda butuuse! Katonda alaze amaani ag'Obwakyabazinga bwe, n'obuyinza bwa Kurisito we. Kuba oyo alumiriza baganda baife omusana n'obwire mu maiso ga Katonda, abingiibwa mu igulu.

Okwolekebwa 19:6

Agho naawulira ekyali ng'oti mamiro ag'abantu olukunkumuli, oba ng'oti mpiriito ya maadhi, oba ng'oti kutyabuka kwa lukuba okw'amaani. Eiroboozi lyakoba liti: “Musaake Katonda, kuba Musengwa Katonda waife Aghanga Ebintu Byonabyona, n'afuga.

Okwolekebwa 20:4

Agho naabona ebityamo eby'obwakyabazinga nga bityaimeku abo abaagheebwa obukumu okufuga. Era naabona emyoyo gy'abo abaatemwaku emitwe olw'okudhulira Yesu n'olw'ekibono kya Katonda. Abo n'abataasinza kisolo waire ekifaananie kyakyo era abataaganha kuteebwaku kamanhiso kaakyo mu byeni oba ku mikono. Abo bairamu okuba abalamu era Kurisito yaafuga nabo emyaka lukumi (1,000).