Matayo 5:9 - Baibuli Ekibono kya Katonda 2014

⁹ Ba nkabi abakolerera emiraala, kuba balyetebwa baana ba Katonda.

Matayo 5:9 ပူးပေါင်းရင်းမြစ်များ

1 Ebyomubyanda 12:17

Daudi yaavaayo okubabona, yaabakoba ati: “Oba nga mwidhie okumbeera nga bakagwa bange, mbasangaaliire. Aye oba nga mwidhie kundyamu lukwe mumpeeyo y'abazigu bange, waire nga ghazira kabi ke mbakoze, Katonda wa badhaadha baife agwananga yaakibona yaababonereza.”

Zabbuli 120:6

Nga mmaze ekiseera kinene inho nga mba mu bantu abatenda miraala!

Zabbuli 34:12

Naani oyo ayenda okufuna obulamu, era eyeegomba okughangaala nga musangaavu?

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Matayo 5:48

Kale ni, imwe mubenga batukuvu nga Iseimwe ow'omu igulu bw'ali omutukuvu.

Luka 20:36

Baliba nga tibakaafa, kuba baliba ng'oti bamalaika. Era baliba baana ba Katonda, kuba baliba bazuukiire.

Luka 6:35

“Aye imwe, mugonzenga abazigu baimwe, mubakolenga bukalamu, era muwolenga nga ghazira kye musuubirayo olwo empeera yaimwe eriba nnene. Muliba baana b'oyo Ali Ghaigulu Yeene kuba oyo alaga abatasiima n'aboonooni ekisa.

Ebikolwa by'Abatume 7:26

Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’

Ab'e Roma 12:18

Ku luuyi lwaimwe mukolenga kyonakyona ekisoboka mwisanienga n'abantu boonaboona.

Ab'e Roma 8:14

Abo abakolera ku Mwoyo wa Katonda n'ababa abaana ba Katonda.

Ab'e Roma 8:16

Mwoyo wa Katonda mwene akakasiza ghalala n'emyoyo gyaife nga tuli baana ba Katonda.

Ab'e Roma 8:19

Ebitonde byonabyona birindirira nga byesumba okubona Katonda ng'ayoleka abaana be.

1 Ab'e Korintho 6:6

Owoluganda yaawoza n'owoluganda mwine, era yaaganha abataikiriza okubasalira omusango?

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'Efeso 4:1

Kale nze eyasibwa olw'okugheereza Musengwa, mbeeghemba mwebise mu nsambo egwanira obulamu bwe mwayeterwa.

Ab'e Filippi 4:2

Ewodia ni Suntuke, mbeeghembye mwisanie mu kuwulira Musengwa.

Ab'e Kolosai 3:13

Mutabanga ba ikabyo, buli muntu asonighe mwine bweghabaagho asobiiza. Musonighe oti ni Musengwa bwe yabasonigha.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.