Matayo 5:7 - Baibuli Ekibono kya Katonda 2014

⁷ Ba nkabi ab'ekisa, kuba balisaasirwa.

Matayo 5:7 ပူးပေါင်းရင်းမြစ်များ

2 Samueli 17:28

baaleeta ebyebwiko, ebbakuli, ebibya n'entamu, engaano, sayiri, obuwunga, emere ey'empeke enkalange, ebidhandhaali, empindi,

2 Samueli 22:26

Oli mwesigwa eri abeesigwa, era waaba wa mazima eri ab'amazima.

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 18:25

Wo Musengwa Katonda, oli mwesigwa eri abo abeesigwa y'oli; oli mulungi eri abo abalungi abaziraku musango.

Zabbuli 37:26

Omuntu ng'oti n'oyo aba mugabi inho ng'awola n'abantu abandi, era eizaire lye limuleetera okuba ow'enkabi.

Ensambo 11:17

Omuntu ow'ekisa akifunamu omuganhulo, aye akola eby'obukambwe yeerumya mwene.

Ensambo 11:25

Omuntu omugabi aidha kugheebwanga obukombe, era ole agha abandi amaadhi ag'okunhwa, yeena aidha kugheebwanga amaadhi anhwe.

Ensambo 14:21

Ole anhooma muntu mwine aba akoze kibi, aye wa nkabi oyo agemerwa omwavu ekivunika.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 2:1

Kale mukobere Baisiraeli banaimwe, bamanhe bati “Bantu ba Katonda” era bati “Bagonzi ba Musengwa Katonda.”

Hosea 2:23

Ndita abantu bange mu nsi yaibwe, baaba bukalamu. Ndisaasira abo abaali beetebwa bati “Tibasaasirwa,” era abo abaali beetebwa bati “Timuli bantu bange,” ndibakoba nti: “Muli bantu bange.” Boona baliiramu bati: “Niiwe Katonda waife.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Mariko 11:25

“Era buli lwe musaba, bweghabaagho ye muliku ekibono, mumusonighenga, olwo Lata waimwe ali mu igulu yeena abasonighe ebisobyo byaimwe. [

Luka 6:35

“Aye imwe, mugonzenga abazigu baimwe, mubakolenga bukalamu, era muwolenga nga ghazira kye musuubirayo olwo empeera yaimwe eriba nnene. Muliba baana b'oyo Ali Ghaigulu Yeene kuba oyo alaga abatasiima n'aboonooni ekisa.

Ab'e Roma 11:30

Mwena eira mwadheemera Katonda, aye mperaano mwasaasirwa olw'obudheemu obw'Abayudaaya.

1 Ab'e Korintho 7:25

Mperaano nga ndhira mu ebyo ebigema ku batafumbirwangaku, nzira kiragiro kiva wa Musengwa, aye mpa bwa magezi ng'omuntu asobola okwesigibwa olw'ekisa kya Musengwa.

2 Ab'e Korintho 4:1

Katonda mu kusaasira kwe yatugha omulimo guno okugukola, kale tutawaamu maani.

Ab'Efeso 4:32

Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

1 Timotheo 1:13

Eira namuvumanga, naamukiriga, era naamwogeraku bubi, aye yansaasira, kuba ebyo nabikolanga mu butamanha, nga nkaali kumwikiriza.

1 Timotheo 1:16

Aye Katonda yansaasira, olwo Yesu Kurisito aghange okubita mu nze, omwonooni asinga boonaboona, alage okusaasira kwe okutakoma. Era mbe eky'okuboneraku y'abo abalimwikiriza, ni bafuna obulamu obutawaagho.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

1 Petero 2:10

Eira timwali bantu ba Katonda, aye buti muli bantu be. Eira mwali timusaasirwa Katonda, aye buti musaasirwa.