Matayo 5:6 - Baibuli Ekibono kya Katonda 2014

⁶ Ba nkabi abalumwa endhala n'endiwo ey'okukola ebituufu, kuba baliigusibwa.

Matayo 5:6 ပူးပေါင်းရင်းမြစ်များ

Zabbuli 107:9

Oyo agha abali endiwo okunhwa nga bwe beetaaga, ate abayala yaabaigusa ebirungi.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Zabbuli 65:4

Wa nkabi oyo y'olonda n'omuseesa okumpi n'iwe, abenga mu kifo kyo ekitukuvu. Bwe tufuna ebirungi eby'omu ndhu yo, ni tufuna n'enkabi edhiva mu isinzizo lyo eitukuvu, titudhulirira kindi.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Ensambo 10:24

Omubi ekintu ky'atya kija kumutuukaku, aye omutuufu ky'ayenda baja kukimugha.

Ensambo 21:21

Omuntu afuba einho okuba omutuufu era ow'ekivunika, aghangaala era yaaba wa kitiibwa.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Isaia 66:11

musobole okwonka mwigute amabeere ge agaidhwire, era mugabane ku kitiisa kye ekiswikiriire.”

Yeremia 31:25

Ndiizaamu amaani abo abakooye, era naigusa emere abo boonaboona abaanafugha olw'endhala.

Luka 1:53

Yaigusa abayala n'ebirungi, abakombe yaabaleka bwereere.

Luka 6:21

Muli ba nkabi abayala buti, kuba muliigusibwa. Muli ba nkabi abagegenga buti, kuba mulisangaala.

Luka 6:25

Mukagwireku imwe buti abaigwite, kuba endhala eribaluma. Mukagwireku imwe abaseka mperaano, kuba muligegenga, mwalira.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

Okwolekebwa 7:16

“Tibaliirayo kulumwa ndhala oba ndiwo. Endhuba teribookya waire olwota okubagema.